ໂທລະພາບ TOLO ອັຟການິສະຖານລາຍງານວ່າ: ວັນທີ 21 ເມສານີ້, ຄ້າຍທະຫານກອງທັບອາຟິການິສະຖານປະຈຳ ມາຈາຣີຊາຣິຟ ເທດສະບານແຂວງບານເຮີ ທາງພາກເໜືອປະເທດນີ້ຖືກກຸ່ມປະກອບອາວຸດໂຈມຕີ ສົ່ງຜົນເຮັດໃຫ້ເສຍຊີວິດ 50 ຄົນເປັນຢ່າງໜ້ອຍ.
ໂທລະພາບດັ່ງກ່າວໄດ້ອ້າງແຫຼ່ງຂ່າວຂອງທ່ານຈອນ ໂທມັສ ໂຄສົກກອງບັນຊາການສ່ວນກາງອາເມລິກາລາຍງານວ່າ: ການຫຼອນໂຈມຕີເທື່ອນີ້ໄດ້ເຮັດໃຫ້ຢ່າງໜ້ອຍ 50 ຄົນເສຍຊີວິດເຊິ່ງລວມທັງຜູ້ກໍ່ເຫດ.
ວັນທີ 21 ເມສານີ້, ກະຊວງປ້ອງກັນປະເທດອັຟການິສະານກໍໄດ້ຢຶນຢັນຕໍ່ເຫດການດັ່ງກ່າວນີ້ ແຕ່ຕາມສະຖິຕິຂອງກະຊວງປ້ອງກັນປະເທດອັຟການິສະຖານ, ເຫດການເທື່ອນີ້ໄດ້ຢ່າງໜ້ອຍເຮັດໃຫ້ເສຍຊີວິດ 13 ຄົນ, 11 ຄົນໄດ້ຮັບບາດເຈັບ.
ນອກນີ້, ເຈົ້າໜ້າທີ່ທະຫານຜູ້ໜຶ່ງທີ່ບໍ່ປະສົງອອກນາມບອກນັກຂ່າວວ່າ: ເຫດການຫຼອນໂຈມຕີເທື່ອນີ້ອາດຈະເຮັດໃຫ້ມີຜູ້ເສຍຊີວິດຫຼາຍກວ່າ 100 ຄົນ ຖືວ່າເປັນເຫດຮ້າຍແຮງທີ່ສຸດຢູ່ທ້ອງຖິ່ນດັ່ງກ່າວນັບແຕ່ຕົ້ນປີນີ້ເປັນຕົ້ນມາ.
ກຸ່ມຕາລີບັນໄດ້ກ່າວອ້າງຄວາມຮັບຜິດຊອບຕໍ່ເຫດການດັ່ງກ່າວ.