ຂ່າວສານສູນກາງສປປ ເກົາຫຼີລາຍງານວ່າ, ໂຄສົກກະຊວງການຕ່າງປະເທດສປປ ເກົາຫຼີໄດ້ຖະແຫຼງໃນວັນທີ 21 ເມສານີ້ວ່າ: ສປປ ເກົາຫຼີກຳລັງຕິດຕາມກົນອຸບາຍຂອງອາເມລິກາທີ່ຈະໃຊ້ກັບປະເທດຕົນ.
ໂຄສົກທ່ານນີ້ກ່າວວ່າ: ສປປ ເກົາຫຼີເປັນປະເທດສັງຄົມນິຍົມທີ່ຮັກຫອມສັນຕິພາບ, ແຕ່ກໍບໍ່ຢ້ານ,ບໍ່ຫຼົບຫຼີກສົງຄາມ. ຖ້າຫາກອາເມລິກາກໍ່ສົງຄາມຂຶ້ນຮອບດ້ານ, ສປປ ເກົາຫຼີກໍຈະຮັບມືດ້ວຍສົງຄາມຮອບດ້ານ ແລະຮັບມືກັບສົງຄາມນິວເຄລຍດ້ວຍການໂຈມຕີດ້ວຍນິວເຄລຍແບບສປປ ເກົາຫຼີ.
ໂຄສົກທ່ານນີ້ຍັງປະນາມຖ້ອຍຄວາມກ່ຽວກັບສປປ ເກົາຫຼີຂອງທ່ານນາງຈູລີ ບີຊອບ ລັດຖະມົນຕີກະຊວງການຕ່າງປະເທດອົສຕຣາລີ. ຂ່າວແຈ້ງວ່າ: ເມື່ອບໍ່ດົນມານີ້, ທ່ານນາງບີຊອບໄດ້ຕຳໜິສປປ ເກົາຫຼີເປັນໄພຂົ່ມຂູ່ອັນໜັກໜ່ວງຕໍ່ສັນຕິພາບຂອງພາກພື້ນກໍຄືຂອງໂລກ ທັງສະໜັບສະໜູນນະໂຍບາຍຕໍ່ສປປ ເກົາຫຼີຂອງອາເມລິກາ.
 |
