ຍານອະວະກາດ "ທ່ຽນໂຈ່ວ 1"ໄດ້ປະສົບຜົນສຳເລັດໃນການເຊື່ອມຕໍ່ກັບຍານອະວະກາດ "ທ່ຽນກົ່ງ 2"ໂດຍອັດຕະໂນມັດໃນເວລາ 12 ໂມງ 23 ນາທີຂອງວັນທີ 22 ເມສານີ້ ເຊິ່ງເປັນເທື່ອທຳອິດທີ່ສອງຍານອະວະກາດດັ່ງກ່າວເຊື່ອມຕໍ່ກັນໂດຍອັດຕະໂນມັດ ທັງເປັນເທື່ອທຳອິດທີ່ຍານອະວະກາດຂົນສົ່ງທີ່ຈີນຄົ້ນຄວ້າຜະລິດຢ່າງເປັນເຈົ້າຕົນເອງນັ້ນເຊື່ອມຕໍ່ກັບຫ້ອງທົດລອງອະວະກາດ.
"ທ່ຽນໂຈ່ວ 1"ເປັນຍານອະວະກາດຂົນສົ່ງລຳທຳອິດຂອງຈີນໂດຍຖືກສົ່ງຂຶ້ນສູ່ອະວະກາດຈາກຖານປ່ອຍດາວທຽມ ເຫວີນຊ່າງ ແຂວງໄຫຫຼຳຈີນໃນຄືນວັນທີ 20 ເມສານີ້ ສ່ວນ "ທ່ຽນກົ່ງ 2" ເປັນຫ້ອງທົດລອງອະວະກາດໃນຄວາມໝາຍຕົວຈິງຂອງຈີນໂດຍຖືກສົ່ງຂຶ້ນສູ່ອະວະກາດໃນວັນທີ 15 ກັນຍາ 2016 ຜ່ານມາ.