ວັນທີ 21 ເມສານີ້ຢູ່ສູນກາງຊາວໜຸ່ມນະຄອນຫຼວງວຽງຈັນ, ໄດ້ຕ້ອນຮັບຊາວໜຸ່ມຈີນທີ່ອາສາສະໝັກມາເຮັດວຽກຢູ່ ສປປ ລາວ ໂດຍທ່ານອາລຸ່ນໄຊ ສູນນະລາດ ກຳມະການສຳຮອງສູນກາງພັກ, ຮອງເລຂາສູນກາງຊາວໜຸ່ມປະຊາຊົນປະຕິວັດລາວ, ທ່ານຫວາງສີຮຸ່ຍ ທູດເສດຖະກິດ ສປ ຈີນປະຈຳ ສປປ ລາວ ພ້ອມດ້ວຍພາກສ່ວນທີ່ກ່ຽວຂ້ອງໄດ້ເຂົ້າຮ່ວມ.
ອາສາສະໝັກຊາວໜຸ່ມຈີນທີ່ເຮັດວຽກຢູ່ ສປປ ລາວ ຄັ້ງນີ້ມີ 8 ທ່ານຍິງ 3 ທ່ານເຊິ່ງແມ່ນຊ່ຽວຊານການແພດ, ຄອມພິວເຕີແລະຄູສອນລ້ວນແຕ່ແມ່ນຄົນຈິງໃຈແລະດຸໝັ່ນຫ້າວຫັນ, ໂດຍຈະປະຕິບັດໜ້າທີ່ເປັນເວລາ 6 ເດືອນ. ແລະປ່ຽນບົດຮຽນແລະຖ່າຍທອດເຕັກນິກວິຊາການໃນຂະແໜງການທີ່ກ່ຽວຂ້ອງແລະເພື່ອປະກອບສ່ວນເສີມຂະຫຍາຍທິດນຳການເປັນຄູ່ຮ່ວມມືຍຸດທະສາດແບບຮອບດ້ານຍາວນານແລະລະຫວ່າງສອງພັກ, ສອງລັດແລະປະຊາຊົນສອງຊາດເວົ້າລວມ, ເວົ້າສະເພາະອົງການຈັດຕັ້ງຊາວໜຸ່ມຂອງສອງປະເທດໃຫ້ນັບມື້ນັບແໜ້ນແຟ້ນຍິ່ງຂຶ້ນ.
ອາສາສະໝັກຈຳນວນນີ້ຈະເຮັດໜ້າທີ່ເປັນຄູສອນພາສາຈີນ, ຄູສອນຄອມພິວເຕີ, ການແພດແລະຜູ້ປະກາດຂ່າວພາສາຈີນ. ສູນພັດທະນາວິຊາຊີບສູນກາງຊາວໜຸ່ມ 2 ທ່ານ, ພະແນກຂ່າວສານ 1 ທ່ານ, ໂຮງຮຽນປັນຍາທິບ 1 ທ່ານ, ວິທະຍຸແຫ່ງຊາດລາວ 1 ທ່ານ, ໂຮງໝໍເມສາ 2 ທ່ານແລະສະຫະພັນບານບ້ວງແຫ່ງຊາດ 1 ທ່ານ.
ນີ້ແມ່ນຊຸດທີ 8 ຄັ້ງທີ 2 ທີ່ລັດຖະບານຈີນຊ່ວຍລັດຖະບານລາວໃນໂຄງການອາສາສະໝັກຊາວໜຸ່ມຈີນເຊິ່ງ 7 ຄັ້ງທີ່ຜ່ານມາ, ໂຄງການນີ້ໄດ້ປະສົບຜົນສຳເລັດໂດຍດີແລະບັນລຸຕາມເປົ້າໝາຍທີ່ສອງລັດຖະບານຕັ້ງໄວ້.