ວັນທີ22ເມສານີ້, ຄະນະກຳມະການເງິນຕາແລະການເງິນສາກົນທີ່ເປັນອົງການຕັດສິນນະໂຍບາຍຂອງອົງການກອງທຶນເງິນຕາສາກົນຫຼື IMF ໄດ້ຮຽກຮ້ອງໃຫ້ປະເທດສະມາຊິກຕ່າງໆຈົ່ງຫຼີກເວັ້ນການນຳໃຊ້ນະໂຍບາຍປົກປ້ອງພາຍໃນ, ເພີ່ມທະວີການປະກອບສ່ວນຂອງການຄ້າທີ່ມີຕໍ່ກຸ່ມເສດຖະກິດຕ່າງໆ, ເພື່ອຮັກສາທ່ວງທ່າການເຕີບໂຕຂອງເສດຖະກິດໂລກ.
ວັນທີ22ເມສານີ້,ຫຼັງສຳເລັດກອງປະຊຸມລະດັບລັດຖະມົນຕີຄັ້ງທີ35ຢູ່ນະຄອນຫຼວງວໍຊິງຕັນສະຫະລັດອາເມລິກາ, ຄະນະກຳມະການເງິນຕາແລະການເງິນສາກົນໄດ້ອອກຖະແຫຼງການວ່າ,ທ່ວງທ່າຟື້ນຕົວຂອງເສດຖະກິດໂລກພວມເພີ່ມທະວີຂຶ້ນ,ລາຄາສິນຄ້າລາຍໃຫຍ່ໄດ້ຮັກສາຄວາມໝັ້ນທ່ຽງແລະເພີ່ມຂຶ້ນຄືນໃໝ່, ຄວາມສ່ຽງໄພເງິນຝືດຫຼຸດຜ່ອນລົງ, ແຕ່ການເຕີບໂຕຂອງເສດຖະກິດໂລກຍັງບໍ່ແຂງແຮງພໍປານໃດ, ແລະໄດ້ຮັບຜົນກະທົບຈາກຄວາມບໍ່ແນ່ນອນດ້ານການເມືອງແລະນະໂຍບາຍທີ່ເພີ່ມຂຶ້ນ.
ໃນຖະແຫຼງການໄດ້ຢໍ້າວ່າປະເທດສະມາຊິກຕ່າງໆຄວນສະແດງຫຼັກໝັ້ນດ້ານນະໂຍບາຍຂອງຕົນຢ່າງຈະແຈ້ງ,ຫຼີກເວັ້ນການນຳໃຊ້ນະໂຍບາຍແບບປົກປ້ອງພາຍໃນ, ເພື່ອຮັກສາຄວາມໝັ້ນທ່ຽງດ້ານການເງິນຂອງໂລກ, ພ້ອມທັງໃຊ້ນະໂຍບາຍຕ່າງໆ ລວມທັງເງິນຕາ,ການເງິນແລະການປະຕິຮູບໂຄງປະກອບ, ເພື່ອບັນລຸການເຕີບໂຕທີ່ແຂງແຮງ, ຍືນຍົງ,ດຸນດ່ຽງ,ກວບລວມແລະມີຜົນດີຕໍ່ການປະກອບອາຊີບ.
 |
