ໃນຖະແຫຼງການໄດ້ລະບຸວ່າ, ສອງຝ່າຍເຫັນດີເພີ່ມທະວີການຮ່ວມມືໃນຂົງເຂດຕຸລາການແລະວຽກງານກົດໝາຍ. ກ່າວຢ້ຳວ່າຈະພະຍາຍາມສ້າງສະພາບແວດລ້ອມດ້ານຂໍ້ມູນຂ່າວສານແລະເຕັກນິກການສື່ສານທີ່ສັນຕິພາບ,ປອດໄພ,ເປີດກວ້າງແລະຮ່ວມມື. ສອງຝ່າຍເປັນເອກະສັນກັນເຫັນວ່າ,ການຮ່ວມມືຕ້ານການກໍ່ການຮ້າຍບົນພື້ນຖານເຄົາລົບເຊິ່ງກັນແລະກັນນັ້ນສອດຄ່ອງກັບຜົນປະໂຫຍດຮ່ວມຂອງສອງຝ່າຍ. ຈີນແລະອົສຕຼາລີຈະເພີ່ມທະວີການຮ່ວມມືດ້ານການປະຕິບັດກົດໝາຍໃນການປາບຢາເສບຕິດ,ຊາວອົບພະຍົບຜິດກົດໝາຍ,ການຕ້ານການຟອກເງິນ, ການສໍ້ໂກງແລະອື່ນໆທີ່ສອງຝ່າຍສົນໃຈຮ່ວມກັນ.
ໃນຖະແຫຼງການຍັງລະບຸວ່າ, ການສົນທະນາຄວາມໝັ້ນຄົງລະດັບສູງຈີນ-ອົສຕຼາລີຄັ້ງທີ2ຈະຈັດຂຶ້ນຢູ່ຈີນໃນ6ເດືອນຕົ້ນປີ2018, ໂດຍຈະໃຫ້ເຈົ້າໜ້າທີ່ຂັ້ນສູງຂອງສອງຝ່າຍເປັນປະທານຮ່ວມ.
