ເນື່ອງໃນໂອກາດ "ວັນການບິນອະວະກາດຈີນ"ປີ2017ໃກ້ຈະວຽນມາເຖິງ, ສະຫະພັນປະດິດສ້າງໃໝ່ການບິນອະວະກາດ"ໜຶ່ງແລວທາງໜຶ່ງເສັ້ນທາງ"ທີ່ລິເລີ່ມສ້າງຕັ້ງໂດຍສະມາຄົມການບິນອະວະກາດຈີນແລະມະຫາວິທະຍາໄລອຸດສາຫະກຳຕາເວັນຕົກສຽງເໜືອຈີນນັ້ນໄດ້ສ້າງຕັ້ງຂຶ້ນຢ່າງເປັນທາງການຢູ່ນະຄອນຊີ່ອ່ານແຂວງສານຊີ່ຈີນໃນວັນທີ23ເມສານີ້.
ສະຫະພັນດັ່ງກ່າວເປັນອົງການບໍ່ຫວັງກຳໄລແລະເວທີແລກປ່ຽນແລະຮ່ວມມືສາກົນທີ່ປະກອບດ້ວຍໂຮງຮຽນຊັ້ນສູງ,ສະຖາບັນຄົ້ນຄວ້າວິທະຍາສາດແລະອົງການວິຊາການໃນຂົງເຂດການບິນອະວະກາດສາກົນ ໂດຍບົນພື້ນຖານສະໝັກໃຈ, ໂດຍກອງເລຂາຕັ້ງຢູ່ມະຫາວິທະຍາໄລອຸດສາຫະກຳຕາເວັນຕົກສຽງເໜືອຈີນ. ແລະໄດ້ເຕົ້າໂຮມໂຮງຮຽນຊັ້ນສູງ,ອົງການວິຊາການແລະສະຖາບັນຄົ້ນຄວ້າວິທະຍາສາດ48ແຫ່ງຂອງປະເທດລຽບຕາມ"ໜຶ່ງແລວທາງໜຶ່ງເສັ້ນທາງ", ແລະຖືຈິດໃຈ "ເປີດກວ້າງ ກວມລວມ,ຮ່ວມມືແບບຕ່າງຝ່າຍຕ່າງມີຜົນປະໂຫຍດ, ພັດທະນາພ້ອມກັນ",ຊຸກຍູ້ສະມາຊິກຕ່າງໆລົງເລິກການຮ່ວມມືໃນດ້ານການຄົ້ນຄວ້າວິທະຍາສາດ,ອົບຮົມສ້າງບຸກຄະລາກອນ, ແລະເຊື່ອມໂຍງການຜະລິດ,ການຮຽນແລະການຄົ້ນຄວ້າ.