ເນື່ອງໃນໂອກາດການສ້າງຕັ້ງກອງທັບເຮືອຈີນຄົບຮອບ 68 ປີ, ກອງກ່ຳປັ່ນຮົບຂອງກອງທັບເຮືອຈີນໄດ້ເດີນທາງຈາກນະຄອນຊຽງໄຮໃນຕອນເຊົ້າວັນທີ 23 ເມສານີ້, ເພື່ອຢ້ຽມຢາມສັນຖະວະໄມຕີ 20 ກວ່າປະເທດໃນອາຊີ ເອີລົບ ອາຟຼີກາ ແລະໂອຊີອານີເປັນເວລາເກືອບ 180 ວັນ ເຊິ່ງເປັນການຢ້ຽມຢາມເທື່ອໜຶ່ງທີ່ຢ້ຽມຢາມປະເທດຫຼາຍກວ່າໝູ່ແລະໃຊ້ເວລາດົນກວ່າໝູ່ໃນປະຫວັດສາດຂອງກອງທັບເຮືອຈີນ.
ການເດີນເຮືອທາງໄກເພື່ອຢ້ຽມຢາມຕ່າງປະເທດເທື່ອນີ້, ກໍເປັນມາດຕະການສຳຄັນເພື່ອລົງເລິກຜັນຂະຫຍາຍແນວຄິດຍຸດທະສາດສຳຄັນຂອງທ່ານສີຈິ້ນຜີງ ປະທານປະເທດຈີນກ່ຽວກັບການສ້າງການພົວພັນສາກົນແບບໃໝ່ແລະສ້າງປະຊາຄົມຮ່ວມຊະຕະກຳມະນຸດ, ເປັນການປະດິດສ້າງແລະພຶດຕິກຳຕົວຈິງໃນການເສີມຂະຫຍາຍທັດສະນະຄວາມປອງດອງກັນ, ເຜີຍແຜ່ສັນຕິພາບແລະໄມຕີຈິດມິດຕະພາບ ແລະເປັນຊ່ອງທາງລົງເລິກການແລກປ່ຽນແລະການຮ່ວມມືທາງການທະຫານ, ສະແດງໃຫ້ເຫັນພາບພົດທີ່ດີຂອງກອງທັບເຮືອຈີນ.
 |
