ຫວ່າງມໍ່ໆມານີ້, ທ່ານ ຮໍນາມຮົງ ຮອງນາຍົກລັດຖະມົນຕີກຳປູເຈຍໄດ້ກ່າວຂະນະທີ່ໃຫ້ສຳພາດຕໍ່ນັກຂ່າວວ່າ: ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ທີ່ທ່ານ ສີຈິ້ນຜິງ ປະທານປະເທດຈີນສະເໜີມີຄວາມໝາຍສຳຄັນແລະໃຫຍ່ຫຼວງຕໍ່ການພັດທະນາປະເທດຕົນ.
ທ່ານ ຮໍນາມຮົງ ກ່າວວ່າ: "ການພັດທະນາຢ່າງຄຶກຄັກຂອງເຂດເສດຖະກິດພິເສດສີຫານຸແມ່ນແບບຢ່າງແຫ່ງການຮ່ວມມືທີ່ແທ້ຈິງລະຫວ່າງຈີນ-ກຳປູເຈຍ." ຂະນະທີ່ເຂດເສດຖະກິດພິເສດດັ່ງກ່າວໄດ້ເສີມຂະຫຍາຍບົດບາດສຳຄັນຕໍ່ການພັດທະນາເສດຖະກິດແລະອຸດສາຫະກຳຂອງປະເທດຕົນ.
ທ່ານ ຮໍນາມຮົງ ເຫັນວ່າ: ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ບໍ່ພຽງແຕ່ມີບົດບາດນຳພາຕໍ່ການເສີມຂະຫຍາຍສາຍພົວພັນລະຫວ່າງກຳປູເຈຍ-ຈີນເທົ່ານັ້ນ, ແຕ່ຍັງມີບົດບາດຕໍ່ການເສີມຂະຫຍາຍສາຍພົວພັນລະຫວ່າງຈີນ-ເອີຣົບ ແລະ ຈີນ-ປະເທດອາຟຣິກາອີກດ້ວຍ. ທ່ານກ່າວຕື່ມວ່າ: ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ບໍ່ພຽງແຕ່ເຊື່ອມຕໍ່ບັນດາປະເທດອາຊີລວມທັງກຳປູເຈຍເທົ່ານັ້ນ,ແຕ່ກໍຈະເຊື່ອມຕໍ່ກັບເອີຣົບແລະອາຟຣິກາໃນຂົງເຂດຕ່າງໆເຊັ່ນ: ການເຊື່ອມຈອດດ້ານພື້ນຖານໂຄງລ່າງ,ການໄປມາຫາສູ່ກັນລະຫວ່າງປະຊາຊົນແລະການແລກປ່ຽນດ້ານວັດທະນະທຳແລະອື່ນໆ, ພ້ອມທັງຈະຊຸກຍູ້ການພັດທະນາເສດຖະກິດຂອງບັນດາປະເທດແລະເຂດແຄວ້ນຢູ່ຕາມ "ໜຶ່ງແລວທາງໜຶ່ງເສັ້ນທາງ"ຕື່ມອີກ.