ຕາມຂ່າວສານຊິນຮວາ: ຂະບວນກຳປັ່ນຂົນສົ່ງຈະຫຼວດສົ່ງຍານສາງເຈິ່ງ5ໄດ້ເລີ່ມອອກເດີນທາງຈາກທ່າກຳປັ່ນທຽນສິນໄປຫາເມືອງເວີນຊາງແຂວງໄຫຫຼຳ ເຊິ່ງເປັນຂີດໝາຍສະແດງໃຫ້ເຫັນວ່າການຍິງສົ່ງຍານ "ສາງເຈິ່ງ5 ຢ໋າວ 2"ໄດ້ນັບຖອຍຫຼັງແລ້ວ.
ຂ່າວແຈ້ງວ່າ, ຈີນມີແຜນຈະຍິງ ຈະຫຼວດສົ່ງຍານ "ສາງເຈິ່ງ 5 ຢ໋າວ 2" ທີ່ບັນທຸກດາວທຽມ "ສືຈ້ຽນ 18" ທີ່ຈີນຄົ້ນຄວ້າຜະລິດເອງຂຶ້ນສູ່ອະວະກາດໃນເດືອນມິຖຸນາປີນີ້.
ການຂົນສົ່ງຍານ "ສາງເຈິ່ງ 5 ຢ໋າວ 2"ກົງກັບ "ວັນອະວະກາດ" ຈີນເທື່ອທີ2, ພໍດີສະຖາບັນຄົ້ນຄວ້າເຕັກນິກຈະຫຼວດສົ່ງຍານຈີນໄດ້ນຳເອົາຫ້ອງຮຽນເຜີຍແຜ່ຄວາມຮູ້ວິທະຍາສາດການບິນອະວະກາດມາທ່າກຳປັ່ນຂົນສົ່ງຈະຫຼວດ ເຊິ່ງເຮັດໃຫ້ປະຊາຊົນຈີນໄດ້ຮັບຮູ້ກ່ຽວກັບການບິນອະວະກາດນັບມື້ນັບຫຼາຍຂຶ້ນ.