ຕາມຂ່າວສານຊິນຮວາ: ກະຊວງພາຍໃນຝຣັ່ງ ໄດ້ເປີດເຜີຍຂໍ້ມູນເບື້ອງຕົ້ນໃນຕອນຄ່ຳວັນທີ 23 ເມສານີ້ ໂດຍສະແດງໃຫ້ເຫັນວ່າ, ທ່ານ ແອມມານູແອນ ມາກຣົງ ຜູ້ສະໝັກຮັບເລືອກຕັ້ງຂອງພັກຂະບວນການກ້າວໜ້າ ແລະທ່ານນາງ ມາຣີນາ ເລີເປນ ຜູ້ສະໝັກຮັບເລືອກຕັ້ງຂອງພັກແນວໂຮມແຫ່ງຊາດ ເຊິ່ງເປັນພັກຝ່າຍຂວາຈັດ ໄດ້ນຳໜ້າໃນການປ່ອນບັດຮອບທຳອິດຂອງການແຂ່ງຂັນເລືອກຕັ້ງປະທານາທິບໍດີປະເທດຕົນທີ່ຈັດຂຶ້ນໃນມື້ດຽວກັນ ແລະຈະເຂົ້າສູ່ການປ່ອນບັດຮອບທີສອງ.
ສ່ວນທ່ານ ຟຣັ່ງຊົວ ຟິອົງ ຜູ້ສະໝັກຮັບເລືອກຕັ້ງອີກຜູ້ໜຶ່ງ ໄດ້ກ່າວປາໄສທາງໂທລະພາບ ໂດຍຮັບຮອງຢ່າງເປີດເຜີຍວ່າເສຍໄຊແລ້ວ ແລະຮຽກຮ້ອງໃຫ້ຜູ້ມີສິດເລືອກຕັ້ງຈົ່ງສະໜັບສະໜູນທ່ານ ມາກຣົງໃນການປ່ອນບັດຮອບທີສອງ. ຂະນະດຽວກັນເຊິ່ງຈະຈັດຂຶ້ນໃນວັນທີ 7 ພຶດສະພາປີນີ້, ທ່ານ ເບີນັດ ຄາເຈີນາຟ ນາຍົກລັດຖະມົນຕີຝຣັ່ງ ກໍຮຽກຮ້ອງໃຫ້ຜູ້ມີສິດເລືອກຕັ້ງເລືອກສະໜັບສະໜູນທ່ານ ມາກຣົງ ຢ່າງເປີດເຜີຍເຊັ່ນດຽວກັນ.