ວິສາຫະກິດຈີນ-ອີຣານເຊັນສັນຍາການຄ້າປັບສ້າງເຄື່ອງປະຕິກອນນ້ຳທາດໜັກ

    ຕາມຂ່າວ CRI: ບໍລິສັດອຸດສາຫະກຳພະລັງງານຈີນຈຳກັດ, ສະຖາບັນຄົ້ນຄວ້າວິທະຍາສາດພະລັງງານນິວເຄລຍຈີນ ແລະບໍລິສັດໂຄງການແລະກໍ່ສ້າງໂຮງໄຟຟ້ານິວເຄລຍອີຣານ ໄດ້ເຊັນສັນຍາການຄ້າສະບັບທຳອິດ ກ່ຽວກັບການປັບສ້າງເຄື່ອງປະຕິກອນນ້ຳທາດໜັກອາຣັກຂອງອີຣານຢ່າງເປັນທາງການຢູ່ນະຄອນຫຼວງວຽນປະເທດໂອຕຼິສໃນວັນທີ 23 ເມສານີ້.

    ທ່ານ ສືຈົ່ງຈູ້ນ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດແລະອົງການຈັດຕັ້ງສາກົນອື່ນໆທີ່ນະຄອນຫຼວງວຽນ ກ່າວວ່າ, ການທີ່ວິສາຫະກິດຈີນແລະອີຣານເຊັນສັນຍາດັ່ງກ່າວຢ່າງສຳເລັດຜົນນັ້ນ ສະແດງໃຫ້ເຫັນເຖິງທ່າທີຮັບຜິດຊອບໃນການປະຕິບັດສັນຍາຢ່າງຮອບດ້ານແລະການສະໜັບສະໜູນສັນຍາຮອບດ້ານຢ່າງເດັດດ່ຽວຂອງຈີນ.

    ສື່ມວນຊົນອີຣານລາຍງານວ່າ, ການເຊັນສັນຍາດັ່ງກ່າວ ແມ່ນບາດລ້ຽວຂອງການປັບສ້າງແລະຫັນເປັນທັນສະໄໝຂອງເຄື່ອງປະຕິກອນນ້ຳທາດໜັກອາຣັກ ແລະກໍແມ່ນບາດກ້າວສຳຄັນໃນການປະຕິບັດສັນຍາຮອບດ້ານວ່າດ້ວຍບັນຫານິວເຄລຍຂອງອີຣານທີ່ອີຣານເຊັນກັບ 6 ປະເທດກ່ຽວຂ້ອງຄື ອາເມລິກາ, ອັງກິດ, ຝຣັ່ງ, ຣັດເຊຍ, ຈີນ ແລະເຢຍລະມັນເມື່ອປີ 2015 ຜ່ານມາ.