ຫົວໜ້າຫ້ອງການນະໂຍບາຍແລະຍຸດທະສາດການຄ້າກະຊວງພານິດໄທຢືນຢັນໃນວັນທີ 24 ເມສານີ້ວ່າ: ເດືອນມີນາປີນີ້, ການສົ່ງອອກສິນຄ້າຂອງໄທໄດ້ເພີ່ມຂຶ້ນຢ່າງວ່ອງໄວເມື່ອທຽບໃສ່ໄລຍະດຽວກັນຂອງປີຜ່ານມາ ເຊິ່ງສົ່ງຜົນເຮັດໃຫ້ການສົ່ງອອກສິນຄ້າໃນໄຕມາດທີໜຶ່ງຂອງໄທເພີ່ມຂຶ້ນ 4,9% ສ້າງສະຖິຕິສູງເທື່ອໃໝ່ໃນຈັງຫວະການເຕີບໂຕທີ່ຄິດໄລ່ຕາມໄຕມາດໃນຮອບ 4 ປີກວ່າຜ່ານມາ.
ຕົວເລກຫຼ້າສຸດທີ່ເປີດເຜີຍໃນວັນທີ 24 ເມສານີ້ສະແດງໃຫ້ເຫັນວ່າ: ຍອດມູນຄ່າການສົ່ງອອກໃນເດືອນມີນາຂອງໄທຫຼາຍກວ່າ 20 ຕື້ 800 ລ້ານໂດລາສະຫະລັດ ເພີ່ມຂຶ້ນ 9,2% ເມື່ອທຽບໃສ່ໄລຍະດຽວກັນຂອງປີກາຍ ເຊິ່ງເປັນຜົນມາຈາກຕະຫຼາດສາກົນມີຄວາມຕ້ອງການຢາງພາລາແລະຄອມພິວເຕີເພີ່ມຂຶ້ນໂດຍສະເພາະຕະຫຼາດຈີນແລະອິນເດຍມີຄວາມຕ້ອງການສິນຄ້າດັ່ງກ່າວຢ່າງຫຼວງຫຼາຍ.
