ເຂດທະເລໃກ້ວານປາຣາຍໂຊ ເມືອງພາກກາງຈີເລໄດ້ເກີດແຜ່ນດິນໄຫວລະດັບ 7,1 ຣິກເຕີໃນວັນທີ 24 ເມສານີ້, ປັດຈຸບັນຍັງບໍ່ມີລາຍງານກ່ຽວກັບຜູ້ເສຍຊີວິດ,ບາດເຈັບແລະຄວາມເສຍຫາຍທາງຊັບສິນ.
ກະຊວງພາຍໃນແລະຄວາມໝັ້ນຄົງສາທາລະນະຈີເລຖະແຫຼງວ່າ: ຈາກເຂດໂຄຄິມໂປ ເຂດໃຫຍ່ທີ 4 ຮອດເຂດບີໂອບີໂອ ເຂດໃຫຍ່ທີ 8 ຂອງປະເທດຕົນລ້ວນແຕ່ຮູ້ສຶກເຖິງແຮງສັ່ນສະເທືອນ, ແຕ່ມາຮອດປັດຈຸບັນບໍ່ມີການລາຍງານກ່ຽວກັບຕົວເລກຜູ້ເສຍຊີວິດ,ບາດເຈັບແລະຄວາມເສຍຫາຍທາງຊັບສິນ. ຫຼັງແຜ່ນດິນໄຫວເກີດຂຶ້ນ, ກະຊວງພາຍໃນແລະຄວາມໝັ້ນຄົງສາທາລະນະໄດ້ປະກາດເຕືອນໄພລ່ວງໜ້າ ແລະຍົກຍ້າຍກຸ່ມຄົນ, ແຕ່ກໍໄດ້ຍົກເລີກໃນເວລາຕໍ່ມາ.
ຫ້ອງການວຽກງານສຸກເສີນຂອງກົມອຸທົກກະສາດແລະທະເລກອງທັບເຮືອຈີເລຢືນຢືນວ່າ ແຜ່ນດິນໄຫວເທື່ອນີ້ບໍ່ຮຸນແຮງພໍເຖິງຂັ້ນຕ້ອງໄດ້ເຕືອນໄພຄື້ນຊູນາມິລ່ວງໜ້າ.