ຕາມຂ່າວສານຊິນຮວາ: ໜັງສືພິມວຽງຈັນທາມສ໌ສະບັບວັນທີ 24 ເມສາລາຍງານວ່າ, ເພື່ອຫຼຸດອັດຕາການຕາຍຂອງເດັກນ້ອຍທີ່ມີອາຍຸຕ່ຳກວ່າ 5 ປີໃຫ້ໜ້ອຍລົງ, ລັດຖະບານລາວຕົກລົງມອບໃຫ້ໂຮງໝໍລັດໃຫ້ການບໍລິການດ້ານການປິ່ນປົວແກ່ເດັກນ້ອຍໂດຍບໍ່ເສຍຄ່າ.
ທ່ານພັດ ເກື່ອງສາເນດ ຫົວໜ້າກົມສົ່ງເສີມສຸຂະພາບກະຊວງສາທາລະນະສຸກລາວແຈ້ງຕໍ່ສື່ມວນຊົນໃນມໍ່ໆນີ້ວ່າ, ນະໂຍບາຍໃໝ່ນີ້ຈະບໍ່ຈຳກັດສະເພາະຄອບຄົວທຸກຍາກເທົ່ານັ້ນ, ເດັກອ່ອນທີ່ມີອາຍຸຕ່ຳກວ່າ 5 ປີທຸກຄົນລ້ວນແຕ່ຈະໄດ້ຮັບການກວດສຸຂະພາບແລະປິ່ນປົວໂດຍບໍ່ຕ້ອງເສຍຄ່າ. ລັດຖະບານລາວເຄີຍປະກາດນະໂຍບາຍທີ່ຄ້າຍຄືກັນນີ້ໃນປີ 2013, ແຕ່ແນໃສ່ແມ່ແລະເດັກທີ່ເປັນຄອບຄົວທຸກຍາກ. ທ່ານພັດກ່າວຕື່ມວ່າ, ຫວັງວ່າຜ່ານຈາກນະໂຍບາຍໃໝ່ ເພື່ອຊຸກຍູ້ການພັດທະນາຂະແໜງການສາທາລະນະສຸກ, ກະຊວງຕົນກໍຈະສືບຕໍ່ຍົກລະດັບການບໍລິການຂອງທ່ານໝໍແລະພະຍາບານໃຫ້ສູງຂຶ້ນ.
ປັດຈຸບັນ, ຢູ່ປະເທດລາວ, ການເກີດ 1 ແສນເທື່ອຈະມີແມ່ 200 ກວ່າຄົນເສຍຊີວິດ, ອັດຕາການຕາຍຂອງເດັກມີອາຍຸລຸ່ມ 5 ປີເທົ່າກັບ7%.
 |
