ຕຳຫຼວດທ່ອງທ່ຽວແລະເຈົ້າໜ້າທີ່ທະຫານໄທໄດ້ກວດຄົ້ນໂຮງແຮມຫຼັງໜຶ່ງຢູ່ຄຸ້ມວັງທອງຫລາງນະຄອນຫຼວງບາງກອກໃນວັນທີ 23 ເມສານີ້ ແລະໄດ້ກັກຕົວຄົນໄທ 60 ຄົນ, ຄົນຕ່າງປະເທດ 78 ຄົນທີ່ພວມເຂົ້າຮ່ວມການຝຶກອົບຮົມການນຳທ່ຽວແລະຈຳໜ່າຍຜະລິດຕະພັນທ່ອງທ່ຽວທີ່ຜິດກົດໝາຍ.
ຄົນຕ່າງປະເທດທີ່ຖືກກັກຕົວເທື່ອນີ້ສ່ວນຫຼາຍແມ່ນຖືວິຊາທ່ອງທ່ຽວແລະວິຊາສຶກສາ, ແຕ່ອີງຕາມກົດໝາຍຂອງໄທແລ້ວ, ຈະບໍ່ອະນຸຍາດໃຫ້ຄົນຕ່າງປະເທດດຳເນີນວຽກງານນຳທ່ຽວຢູ່ໃນປະເທດ. ເຈົ້າໜ້າທີ່ຕຳຫຼວດໄທກ່າວວ່າ, ຈະສືບສວນຄະດີດ້ວຍໂທດຖານຈ້າງແຮງງານຕ່າງປະເທດແບບຜິດກົດໝາຍ, ດຳເນີນວຽກງານນຳທ່ຽວຜິດກົດໝາຍ ແລະໂຄສະນາຂາຍສິນຄ້າຜິດກົດໝາຍ.
ປັດຈຸບັນ, ຄົນຕ່າງປະເທດຈຳນວນໜຶ່ງທີ່ວິຊາກາຍກຳນົດແລ້ວ ຖືກມອບໃຫ້ກົມຕຳຫຼວດກວດຄົນເຂົ້າອອກເມືອງເປັນຜູ້ດຳເນີນຄະດີຕາມກົດໝາຍ, ສ່ວນຄົນອື່ນຫຼັງໄດ້ລົງບັນທຶກປະຫວັດສ່ວນຕົວແລ້ວຖືກປ່ອຍຕົວຊົ່ວຄາວ, ແຕ່ຈະບໍ່ອະນຸມັດໃຫ້ອອກຈາກປະເທດໄທກ່ອນການແກ້ໄຂຄະດີຈະສິ້ນສຸດລົງ.