ເວທີບໍລິການເງິນທຶນຈີນ-ກຳປູເຈຍ ໄດ້ເລີ່ມເປີດບໍລິການຢູ່ນະຄອນຫຼວງພະນົມເປັນຂອງລາຊະອານາຈັກກຳປູເຈຍໃນວັນທີ 24 ເມສານີ້ ທັງໄດ້ຈັດການທົດສອບເທື່ອທຳອິດເພື່ອເຊື່ອມຕໍ່ກັບສາຂາຢູ່ເມືອງເຊີ່ນເຈີ້ນສປຈີນ.
ເວທີດັ່ງກ່າວທີ່ທຸລະກິດໂດຍບໍລິສັດຂໍ້ມູນຂ່າວສານຫຼັກຊັບເຊີ່ນເຈີ້ນຈຳກັດ ເຊິ່ງມີຈຸດປະສົງເພື່ອຊຸກຍູ້ການຕິດຕໍ່ພົວພັນໂຄງການລະດົມທຶນຂ້າມຊາດ ແລະຊຸກຍູ້ການກໍ່ຕັ້ງເປັນທຶນຂ້າມຊາດ. ທ່ານ ອູລີ້ຈູ່ນ ປະທານຄະນະຜູ້ອຳນວຍການຕະຫຼາດຫຼັກຊັບເຊີ່ນເຈີ້ນ ກ່າວວ່າ, ເວທີດັ່ງກ່າວ ໄດ້ເຕົ້າໂຮມອົງການລົງທຶນທີ່ຜ່ານການຮັບຮອງເກືອບ 4000 ແຫ່ງແລະ 2000 ກວ່າໂຄງການຂອງວິສາຫະກິດເຕັກນິກວິທະຍາສາດທີ່ດີເດັ່ນຂອງຈີນ ເພື່ອດຳເນີນການທົດສອບມື້ລະເທື່ອ ແລະໃນວັນທີ 24 ເມສານີ້ ໄດ້ສະແດງຕໍ່ອົງການລົງທຶນຂອງຈີນເກືອບ 4000 ແຫ່ງ ແລະໄດ້ຖືກຍອມຮັບຢ່າງໜ້າພໍໃຈ.
ທ່ານ ເຊີນຊາງຈ່ຽງ ຜູ້ອຳນວຍການໃຫຍ່ທະນາຄານຈີນສາຂາພະນົມເປັນປະເທດກຳປູເຈຍ ກ່າວວ່າ, ໃນຕໍ່ໜ້າ ຈະດຶງດູດອົງການຂອງຈີນແລະກຳປູເຈຍເຂົ້າຮ່ວມການສ້າງສາເວທີດັ່ງກ່າວໃຫ້ຫຼາຍກວ່າເກົ່າ ເພື່ອຊ່ວຍຊູຍູ້ໜູນກັນກັບລະບົບຕະຫຼາດທຶນທີ່ມີຢູ່ໃນປັດຈຸບັນຂອງກຳປູເຈຍ ແລະພັດທະນາຢ່າງປະສານກົມກຽວກັນ.