ອາເມລິກາປະກາດຈະຂວ້ຳບາດເຈົ້າໜ້າທີ່ຄົ້ນຄວ້າວິທະຍາສາດຊີຣີ

    ຕາມຂ່າວສານຊິນຮວາ: ກະຊວງການເງິນອາເມລິກາຖະແຫຼງໃນວັນທີ 24 ເມສານີ້ວ່າ ຈະຂວ້ຳບາດເຈົ້າໜ້າທີ່ລັດຖະບານຊີຣີທີ່ກ່ຽວພັນເຖິງ "ໂຄງການພັດທະນາອາວຸດເຄມີຂອງລັດຖະບານຊີຣີ" 271 ຄົນ.

    ຖະແຫຼງການລະບຸວ່າ, ເຈົ້າໜ້າທີ່ດັ່ງກ່າວນີ້ ຂຶ້ນກັບສູນຄົ້ນຄວ້າວິທະຍາສາດຊີຣີທີ່ຮັບຜິດຊອບການພັດທະນາອາວຸດເຄມີໃຫ້ລັດຖະບານຊີຣີ ແລະມີຈຳນວນໜຶ່ງໄດ້ເຮັດວຽກເພື່ອໂຄງການອາວຸດເຄມີຂອງລັດຖະບານຊີຣີມາຫຼາຍກວ່າ 5 ປີແລ້ວ.

    ຖະແຫຼງການລະບຸອີກວ່າ, ອາເມລິກາຈະອາຍັດຊັບສິນຂອງຜູ້ຖືກຂວ້ຳບາດຢູ່ອາເມລິກາ ແລະຫ້າມບໍ່ໃຫ້ບໍລິສັດແລະພົນລະເມືອງປະເທດຕົນຕິດຕໍ່ພົວພັນການຄ້າກັບຜູ້ຖືກຂວ້ຳບາດຢ່າງເດັດຂາດ.