ຕາມຂ່າວສານຊິນຮວາ:ບົດລາຍງານສະບັບໜຶ່ງທີ່ຄະນະກຳມະການແຫ່ງຊາດການພົວພັນອາເມລິກາ-ຈີນແລະກຸ່ມບໍລິສັດໂຣດຽມຂອງອາເມລິກາຮ່ວມກັນເປີດເຜີຍເມື່ອວັນທີ 25 ເມສານີ້ວ່າ,ປີ 2016 ຜ່ານມາຈີນໄດ້ລົງທຶນຢູ່ອາເມລິກາ 46 ຕື້ໂດລາສະຫະລັດ,ເພີ່ມຂຶ້ນຫຼາຍກວ່າປີກ່ອນ 200% ຂຶ້ນໄປແລະໄດ້ປະກອບສ່ວນສ້າງອາຊີບ 5 ໝື່ນຕຳແໜ່ງໃຫ້ອາເມລິກາ.
ບົດລາຍງານຊີ້ໃຫ້ເຫັນວ່າ,ຮອດທ້າຍປີ 2016,ການລົງທຶນຈາກຈີນໄດ້ສ້າງຕຳແໜ່ງປະກອບອາຊີບໂດຍກົງ 1 ແສນ 41.000 ຕຳແໜ່ງໃຫ້ອາເມລິກາ.
ບົດລາຍງານລະບຸວ່າ,ປີ 2016 ອາເມລິກາໄດ້ກາຍເປັນໜຶ່ງໃນບັນດາຈຸດໝາຍການລົງທຶນຕໍ່ຕ່າງປະເທດທີ່ສຳຄັນທີ່ສຸດຂອງຈີນ,ສ່ວນຈີນກໍໄດ້ກາຍເປັນໜຶ່ງໃນບັນດາແຫຼ່ງທີ່ມາຂອງການລົງທຶນໂດຍກົງທີ່ສຳຄັນທີ່ສຸດຂອງອາເມລິກາເຊັ່ນດຽວກັນ.ເລີ່ມແຕ່ປີ 2000 ເປັນຕົ້ນມາ,ຈີນໄດ້ລົງທຶນຢູ່ອາເມລິກາລວມທັງໝົດຫຼາຍກວ່າ 109 ຕື້ໂດລາສະຫະລັດ.
 |
