ຕາມຂ່າວສານຈີນ:ຈີນ-ກຳປູເຈຍໄດ້ລົງນາມໃນສັນຍາຂອບການຮ່ວມມືອຸດສາຫະກຳຂໍ້ມູນຂ່າວສານພູມສາດແຫ່ງຊາດຢູ່ພະນົມເປັນເມື່ອວັນທີ 25 ເມສານີ້.
ໃນສັນຍາໄດ້ລະບຸໄວ້ວ່າ,ຈີນຈະຊ່ວຍກຳປູເຈຍສ້າງສູນຂໍ້ມູນຂ່າວສານພູມສາດແຫ່ງຊາດໃນຫຼາຍປີຕໍ່ໜ້າເພື່ອອຳນວຍຄວາມສະດວກໃນການບໍລິການຂໍ້ມູນຂ່າວສານພູມສາດພື້ນຖານໃຫ້ແກ່ການພັດທະນາຮອບດ້ານພ້ອມທັງການອະນຸລັກສິ່ງແວດລ້ອມ,ການປ້ອງກັນໄພແລະຫຼຸດຜ່ອນໄພເປັນຕົ້ນຂອງປະເທດກຳປູເຈຍ.
ທ່ານນາງຫວັງສ້ຽນ ຫົວໜ້າຫ້ອງການຄຸ້ມຄອງໂຄງການອົງການສະຫະປະຊາຊາດຂອງກົມວັດແທກຂໍ້ມູນຂ່າວສານພູມສາດແຫ່ງຊາດຈີນກ່າວວ່າ,ແຜນການໄລຍະທຳອິດແມ່ນ 3 ປີແລະຈະເລີ່ມປະຕິບັດໃນປີນີ້.ຫວັງວ່າຈະຖືສູນຂໍ້ມູນຂ່າວສານພູມສາດແຫ່ງຊາດກຳປຸູເຈຍທີ່ສຳເລັດການກໍ່ສ້າງແລ້ວນັ້ນເປັນພື້ນຖານ,ຖືປະເທດກຳປູເຈຍເປັນໃຈກາງເພື່ອເພີ່ມທະວີການຮ່ວມມືກັບປະເທດອາຊຽນທັງໝົດໃນດ້ານສູນຂໍ້ມູນຂ່າວສານພູມສາດແຫ່ງຊາດ.
 |
