ຕາມຂ່າວສານຊິນຮວາ: ຮອງຫົວໜ້າກົມສົ່ງເສີມການຄ້າກະຊວງອຸດສາຫະກຳການຄ້າຫວຽດນາມກ່າວໃນງານພົບປະສັງສັນການຄ້າແລະການລົງທຶນແຂວງເຈີຈ່ຽງຈີນ-ຫວຽດນາມທີ່ຈັດຂຶ້ນຢູ່ນະຄອນຫຼວງຮາໂນຍປະເທດຫວຽດນາມໃນວັນທີ 25 ເມສານີ້ວ່າ, ປັດຈຸບັນ, ຫວຽດນາມພວມເລັ່ງສ້າງຫ້ອງການສົ່ງເສີມການຄ້າຢູ່ເມືອງຫາງໂຈວ່ ສປ ຈີນ ເພື່ອເຮັດໃຫ້ການພົວພັນທາງເສດຖະກິດການຄ້າລະຫວ່າງຫວຽດນາມກັບຈີນ ໂດຍສະເພາະແມ່ນລະຫວ່າງຫວຽດນາມກັບແຂວງເຈີຈ່ຽງມີຄວາມສະດວກຍິ່ງຂຶ້ນ.
ທ່ານຫວງສິວຫາງ ຮອງປະທານສະພາສົ່ງເສີມການຄ້າແຂວງເຈີຈ່ຽງກ່າວ ວ່າ, ອົງການສົ່ງເສີມການຄ້າຂອງຈີນແລະຫວຽດນາມສາມາດຮ່ວມກັນຊຸກຍູ້ກິດຈະກຳສົ່ງເສີມເສດຖະກິດການຄ້າລະຫວ່າງສອງຝ່າຍໃຫ້ເປັນປົກກະຕິແລະມີກົນໄກທີ່ສົມຄູ່ກັນ ເພື່ອສ້າງເວທີຮ່ວມມືດ້ານການຄ້າແລະການລົງທຶນໃຫ້ວິສາຫະກິດສອງຝ່າຍ ແລະເປັນການປະກອບສ່ວນໃຫ້ແກ່ການພັດທະນາເສດຖະກິດການຄ້າຂອງສອງຝ່າຍຫຼາຍຂຶ້ນກວ່າເກົ່າ.