ສື່ມວນຊົນຂອງ ສ.ເກົາຫຼີ ລາຍງານວ່າ: ຕອນຂ້ອນແຈ້ງວັນທີ 26 ເມສານີ້, ກອງທັບອາເມລິກາປະຈຳ ສ.ເກົາຫຼີ ໄດ້ເລີ່ມສົ່ງລະບົບຕ້ານລູກສອນໄຟນຳວິຖີ THAAP ເຂົ້າໄປໃນເດີ່ນກ໋ອຟຊິນໂຈ່, ແຫຼ່ງຂ່າວຈາກເຈົ້າໜ້າທີ່ທະຫານ ສ.ເກົາຫຼີ ໃຫ້ຮູ້ວ່າ, ເທື່ອນີ້ແມ່ນຂົນສົ່ງອຸປະກອນຊະນິດຕ່າງໆຂອງລະບົບຕ້ານລູກສອນໄຟນຳວິຖີ,ລວມທັງຖານສົ່ງເຄື່ອນທີ່, ລະບົບຣາດາX, ລະບົບຕ້ານລູກສອນໄຟນຳວິຖີແລະກອງບັນຊາການສູ້ຮົບກໍຄືຈັກຜະລິດໄຟຟ້າແລະເຄື່ອງຫຼຸດຄວາມຮ້ອນແລະອື່ນໆ.
ທ່ານ ເກີງສວງ ໂຄສົກກະຊວກງານຕ່າງປະເທດຈີນກ່າວໃນງານຖະແຫຼງຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 26 ເມສານີ້ວ່າ: ອາເມລິກາແລະ ສ.ເກົາຫຼີ ຕິດຕັ້ງລະບົບຕ້ານລູກສອນໄຟນຳວິຖີຢູ່ ສ.ເກົາຫຼີ, ຈະທຳລາຍຄວາມດຸ່ນດ່ຽງທາງຍຸດທະສາດຂອງພາກພື້ນ, ເຮັດໃຫ້ສະຖານະການແຫຼມເກົາຫຼີມີຄວາມເຄັ່ງຕຶງຂຶ້ນຕື່ມອີກ,ທຳລາຍຜົນປະໂຫຍດດ້ານຄວາມໝັ້ນຄົງທາງຍຸດທະສາດຂອງຈີນຢ່າງໜັກໜ່ວງ. ດັ່ງນັ້ນ ຈີນຈະເດັດດ່ຽວໃຊ້ມາດຕະການທີ່ຈຳເປັນທີ່ສຸດເພື່ອປ້ອງກັນຜົນປະໂຫຍດຂອງຕົນ.