ຕາມຂ່າວ CRI: ເວລາ 19:07 ໂມງຂອງວັນທີ 27 ເມສານີ້, ຍານອະວະກາດຂົນສົ່ງທ່ຽນໂຈ່ວ 1 ໄດ້ເຊື່ອມຕໍ່ກັບຍານອະວະກາດທ່ຽນກົ່ງ 2 ຢ່າງອັດຕະໂນມັດເປັນຄັ້ງທຳອິດແລະຕື່ມ ເຊື້ອເພີງຢ່າງປະສົບຜົນສຳເລັດ, ເປັນຂີດໝາຍວ່າໜ້າທີ່ການບິນອະວະກາດຂອງຍານອະວະກາດທ່ຽນໂຈ່ວ 1 ໄດ້ຮັບຜົນສຳເລັດຢ່າງຈົບງາມ. ການທີ່ບຸກທະລຸແລະນຳໃຊ້ເຕັກນິກດັ່ງກ່າວນີ້, ໄດ້ຕາບຈູນຊ່ອງຫວ່າງດ້ານເຕັກນິກຂອງຈີນໃນຂົງເຂດການບິນອະວະກາດ, ເປັນການພັດທະນາເຕັກນິກສຳຄັນແບບກ້າວກະໂດດໃນຂົງເຂດຊຸກດັນທາງອະວະກາດ, ໄດ້ກຳຈັດສິ່ງກີດຂວາງດ້ານການສະໜອງພະລັງງານໃຫ້ແກ່ການສ້າງສະຖານີອະວະກາດແລະໝູນເດີນຢູ່ອະວະກາດເປັນໄລຍະຍາວ, ຈີນໄດ້ກາຍເປັນປະເທດທີ 3 ໃນໂລກທີ່ສາມາດນຳໃຊ້ເຕັກນິກສຳຄັນດັ່ງກ່າວ.
ຕາມແຜນການທີ່ໄດ້ວາງໄວ້, ຍານອະວະກາດທ່ຽນໂຈ່ວ 1 ຈະດຳເນີນການທົດລອງຕື່ມເຊື້ອເພີງ ຄັ້ງທີ 2 ໃນກາງຫຼືທ້າຍເດືອນໜ້າ.
ໜ້າທີ່ການບິນອະວະກາດຂອງຍານອະວະກາດທ່ຽນໂຈ່ວ 1 ເທື່ອນີ້, ແມ່ນໜ້າທີ່ສຸດທ້າຍຂອງໜ້າທີ່ການບິນຫ້ອງທົດລອງອະວະກາດໂຄງການການບິນອະວະກາດບັນທຸກຄົນ, ມີຄວາມໝາຍສຳຄັນທີ່ສຸດຕໍ່ການປະຕິບັດໜ້າທີ່ພາຍຫຼັງຂອງໂຄງການສ້າງສະຖານີອະວະກາດໃຫ້ສຳເລັດ, ການຕື່ມເຊື້ອເພິງຢູ່ອະວະກາດຢູ່າງສຳເລັດເປັນຂີດໝາຍວ່າບາດກ້າວທີສອງຂອງໂຄງການການບິນອະວະກາດບັນທຸກຄົນຂອງຈີນໄດ້ປະສົບຜົນສຳເລັດຢ່າງຈົບງາມ, ຈາກນີ້ຈີນກໍ່ໄດ້ກ້າວເຂົ້າສູ່ "ຍຸກສະຖານີອະວະກາດ" ຢ່າງເປັນທາງການ.
 |
