ທ່ານຫວັງຢີ້ ລັດຖະມົນຕີກະຊວງການຕ່າງປະເທດຈີນໄດ້ຮ່ວມກັບຮອງນາຍົກລັດຖະມົນຕີທັງເປັນລັດຖະມົນຕີກະຊວງການຕ່າງປະເທດເຢຍລະມັນພົບປະນັກຂ່າວຢູ່ແບກແລງໃນວັນທີ 26 ເມສານີ້,ນັກຂ່າວເຢຍລະມັນໄດ້ສອບຖາມເຖິງຈຸດປະສົງທີ່ກຳປັ່ນບັນທຸກເຮືອບິນລຳທຳອິດຂອງຈີນປ່ອຍລົງນ້ຳ.
ທ່ານຫວັງຢີ້ກ່າວວ່າ,ຜົນປະໂຫຍດຢູ່ຕ່າງປະເທດຂອງຈີນລວມທັງບຸກຄະລາກອນໄດ້ມີຢູ່ທົ່ວໂລກ.ວິສາຫະກິດຈີນທີ່ລົງທະບຽນຢູ່ຕ່າງປະເທດມີເກືອບ 3 ໝື່ນແຫ່ງ,ພົນລະເມືອງຈີນທີ່ເຮັດວຽກແລະດຳລົງຊີວິດຢູ່ຕ່າງປະເທດມີເຖິງຫຼາຍລ້ານຄົນ.ກຳປັ່ນບັນທຸກສິນຄ້າທີ່ແລ່ນຕາມທາງເດີນເຮືອສາກົນທີ່ສຳຄັນທັງໝົດສ່ວນຫຼາຍກໍບັນທຸກສິນຄ້າຂອງຈີນຫຼືກ່ຽວພັນກັບຈີນ.ຢູ່ໃນສະພາບການນີ້,ຈີນມີເຫດຜົນເຕັມສ່ວນໃນການຍົກສູງຄວາມສາມາດປ້ອງກັນປະເທດຂອງຈີນເພື່ອປົກປັກຮັກສາຜົນປະໂຫຍດທີ່ຊອບດ້ວຍກົດໝາຍຢູ່ຕ່າງປະເທດທີ່ນັບມື້ເພີ່ມຂຶ້ນທັງປະກອບສ່ວນເຂົ້າໃນການປົກປັກຮັກສາສັນຕິພາບຂອງໂລກແລະພາກພື້ນອີກດ້ວຍ.