ຕາມຂ່າວສານຊິນຮວາ:ໜ່ວຍງານຄົ້ນຄວ້າຮ່ວມແລວທາງເສດຖະກິດບັງກາລາເດັດ,ຈີນ,ອິນເດຍ,ມຽນມາໄດ້ຈັດກອງປະຊຸມຄັ້ງທີສາມຢູ່ການກຸນຕາປະເທດອິນເດຍແຕ່ວັນທີ 25 ຫາ 26 ເມສານີ້,ຜູ້ແທນຈາກຂະແໜງການຂອງລັດຖະບານ,ອົງການຄົ້ນຄວ້າ,ສະຖາບັນການເງິນແລະສະມາຄົມອຸດສາຫະກຳຂອງ 4 ປະເທດດັ່ງກ່າວ 50 ກວ່າທ່ານໄດ້ປຶກສາຫາລືບົດລາຍງານທີ່ 4 ປະເທດນີ້ຮ່ວມກັນຮຽບຮຽງ.
ບັນດາຝ່າຍທີ່ຮ່ວມປະຊຸມກ່າວວ່າຈະພະຍາຍາມດັດແປງແລະສຳເລັດບົດລາຍງານຄົ້ນຄວ້າຮ່ວມພາຍໃນປີນີ້.
ນອກນີ້,ກອງປະຊຸມຍັງໄດ້ຄົ້ນຄວ້າຫາລືການຈັດສັນວຽກງານໃນຂັ້ນຕໍ່ໄປແລະໄດ້ເຊັນບົດບັນທຶກເນື້ອໃນສຳຄັນຂອງກອງປະຊຸມ. 4 ຝ່າຍເຫັນດີຈະເລີ່ມດຳເນີນວຽກງານຫາລືການຈັດສັນຂອບລະຫວ່າງລັດຖະບານ 4 ປະເທດຫຼັງສຳເລັດບົດລາຍງານຄົ້ນຄວ້າຮ່ວມແລະໄດ້ຕົກລົງຈັດກອງປະຊຸມຄັ້ງທີ 4 ຂອງໜ່ວຍງານຄົ້ນຄວ້າຮ່ວມຢູ່ມຽນມາໃນ 6 ເດືອນຕົ້ນປີ 2018.
 |
