ຫວ່າງມໍ່ໆມານີ້, ທ່ານ ເລໂອນີດັສ ໂຣຄານັສ ເອກອັກຄະລັດຖະທູເກຣັກປະຈຳຈີນ ໃຫ້ສຳພາດຕໍ່ນັກຂ່າວ CRI ວ່າ, "ໜຶ່ງແລວທາງໜຶ່ງເສັ້ນທາງ" ບໍ່ພຽງແຕ່ສຳຄັນຕໍ່ຈີນເທົ່ານັ້ນ, ຍັງໄດ້ຊຸກຍູ້ການເຊື່ອມຈອດກັນຂອງອາຊີ, ເອີຣົບ ຕະຫຼອດຮອດປະເທດແລະເຂດແຄວ້ນອື່ນໆໃນໂລກ, ໄດ້ຊຸກຍູ້ການຮ່ວມມືແລະການພັດທະນາຮ່ວມກັນຢ່າງສະເໝີພາບຂອງບັນດາປະເທດ.
ຂອບ "ໜຶ່ງແລວທາງໜຶ່ງເສັ້ນທາງ" ໄດ້ເປີດເສັ້ນທາງໃໝ່ແຫ່ງການຮ່ວມມືບົນພື້ນຖານທີ່ຕ່າງຝ່າຍຕ່າງໄດ້ຮັບຜົນປະໂຫຍດ ແລະມີຄວາມໝາຍສຳຄັນຕໍ່ມວນມະນຸດ. ທ່ານ ກ່າວຕື່ມວ່າ, ໃນຖານະເປັນປະເທດໃຫຍ່ດ້ານການຂົນສົ່ງທາງທະເລ, ເກຣັກເອົາໃຈໃສ່ເປັນພິເສດຕໍ່ການຮ່ວມມືທາງທະເລພາຍໃຕ້ຂອບດັ່ງກ່າວ, ປັດຈຸບັນ, ສິນຄ້າຈີນໄດ້ຜ່ານທ່າກຳປັ່ນເກຣັກຂົນສົ່ງໄປປະເທດອື່ນໆຢ່າງຫຼວງຫຼາຍ. ນອກນັ້ນ, ເກຣັກຍັງມີຄວາມສຳຄັນພາຍໃຕ້ຂອບ "ໜຶ່ງແລວທາງໜຶ່ງເສັ້ນທາງ" ແລະພວມພະຍາຍາມຟື້ນຟູຈາກວິກິດການເສດຖະກິດ, ເລັ່ງລັດການປະຕິຮູບ ແລະສະໜອງສະພາບແວດລ້ອມການລົງທຶນທີ່ມີສະຖຽນລະພາບແລະເໝາະສົມໃຫ້ຕ່າງປະເທດ
ທ່ານ ເອກອັກຄະລັດຖະທູດ ໂຣຄານັສ ສະເໜີໃຫ້ນັກທ່ອງທ່ຽວຈີນໄປທ່ຽວປະເທດຕົນ ເພື່ອຊອກຄົ້ນວັດທະນະທຳ ແລະເຂົ້າໃຈອາລະຍະທຳເອີຣົບແລະແນວຄິດຕາເວັນຕົກຢ່າງເລິກເຊິ່ງກວ່າເກົ່າ.
 |
