ຕາມຂ່າວສານຊິນຮວາ:ກົມສະຖິຕິແຫ່ງຊາດຈີນເປີດເຜີຍໃນວັນທີ 28 ເມສານີ້ວ່າ,ຍອດຈຳນວນກຳມະກອນເຄື່ອນຍ້າຍທົ່ວປະເທດຈີນໄດ້ບັນລຸເຖິງ 281 ລ້ານ 7 ແສນ 1 ໝື່ນຄົນ,ທຽບໃສ່ປີຜ່ານມາໄດ້ເພີ່ມຂຶ້ນ 4 ລ້ານ 2 ແສນ 4 ໝື່ນຄົນຄືເພີ່ມຂຶ້ນ 1,5%,ຈັງຫວະການເພີ່ມຂຶ້ນໄວກວ່າປີກ່ອນ 0,2 ຈຸດ.
ບົດລາຍງານການສຳຫຼວດກຳມະກອນເຄື່ອນຍ້າຍປີ 2016ທີ່ກົມສະຖິຕິແຫ່ງຊາດເປີດເຜີຍໃນວັນທີ 28 ເມສານີ້ຊີ້ໃຫ້ເຫັນວ່າ,ກຳມະກອນທີ່ເຄື່ອນຍ້າຍຈາກທ້ອງຖິ່ນຕົນມີທັງໝົດ 112 ລ້ານ 3 ແສນ 7 ໝື່ນຄົນ,ຫຼາຍກວ່າປີກ່ອນ 3,4%,ແລະຈັງຫວະການເພີ່ມຂຶ້ນໄວກວ່າປີກ່ອນ 0,7 ຈຸດ.
ບົດລາຍງານລະບຸວ່າ,ກຳມະກອນເຄື່ອນຍ້າຍໝາຍເຖິງແຮງງານທີ່ຍັງມີສຳມະໂນຄົວຢູ່ຊົນນະບົດແຕ່ດຳເນີນວຽກງານບໍ່ແມ່ນກະສິກຳຢູ່ທ້ອງຖິ່ນຕົນຫຼືໄປຫາວຽກເຮັດງານທຳຢູ່ແຫ່ງຕ່າງໆເອັນເວລາ 6 ເດືອນຂຶ້ນໄປ.