ຫວ່າງມໍ່ໆມານີ້, ທ່ານ ຫງວຽນວັນບິງ ຫົວໜ້າຄະນະເສດຖະກິດສູນກາງພັກກອມມູນິດຫວຽດນາມ ໄດ້ເປີດເຜີຍໃນເວທີປຶກສາຫາລືເສດຖະກິດເອກະຊົນທີ່ຈັດຂຶ້ນໂດຍສະມາຄົມນັກທຸລະກິດເອກະຊົນຫວຽດນາມວ່າ, ກອງປະຊຸມຄົບຄະນະສູນກາງພັກກອມມູນິດຫວຽດນາມຄັ້ງທີ 5 ຊຸດທີ 12 ທີ່ຈະໄຂຂຶ້ນໃນເດືອນພຶດສະພາໜ້ານີ້ ຈະຮັບຮອງມະຕິ "ກ່ຽວກັບການພັດທະນາເສດຖະກິດເອກະຊົນໃຫ້ເປັນກຳລັງສຳຄັນຂອງເສດຖະກິດຕະຫຼາດເພື່ອກຳນົດທິດສັງຄົມນິຍົມ".
ປັດຈຸບັນ, ເສດຖະກິດເອກະຊົນຂອງຫວຽດນາມ ຍັງຖືເອົາເສດຖະກິດແບບຄອບຄົວ, ເຊິ່ງມີຂະໜາດນ້ອຍ, ເຕັກນິກຫຼ້າຫຼັງ, ຂາດເຂີນເງິນທຶນ, ປະສິດທິຜົນແລະລະດັບການຄຸ້ມຄອງຍັງຕ່ຳ, ອັດຕາຂາດທຶນແລະລົ້ມລະລາຍ ກໍເພີ່ມຂຶ້ນນຳທຸກປີ, ມູນຄ່າການຜະລິດກໍຫຼຸດລົງໃນຫຼາຍປີຕິດຕໍ່ກັນ.
 |
