ເຈົ້າໜ້າທີ່ຈີນເນັ້ນຮ່ວມກັນສ້າງອະນາຄົດທີ່ດີງາມຂອງການສຶກສາຊັ້ນສູງຂອງອາຊີ

ພິທີສ້າງຕັ້ງສະຫະພັນມະຫາວິທະຍາໄລອາຊີແລະກອງປະຊຸມສຸດຍອດຄັ້ງທຳອິດໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 29 ເມສານີ້ ແລະທ່ານນາງຫຼິວຢຽນຕຸ່ງ ຮອງນາຍົກລັດຖະມົນຕີຈີນໄດ້ກ່າວປາໄສໃນພິທີດັ່ງກ່າວໂດຍຊີ້ໃຫ້ເຫັນວ່າ: ການສ້າງຕັ້ງສະຫະພັນມະຫາວິທະຍາໄລອາຊີມີຄວາມໝາຍສັນຍາລັກໃນການລົງເລິກການຮ່ວມມືພາກພື້ນ, ເປັນການເຄື່ອນໄຫວຢ່າງຕັ້ງໜ້າໃນການຈັດຕັ້ງປະຕິບັດທັດສະນະຂອງປະຊາຄົມຮ່ວມຊະຕາກຳມວນມະນຸດ ທັງຈະເກີດຜົນສະທ້ອນສຳຄັນຕໍ່ການຊຸກຍູ້ພາກພື້ນໃຫ້ມີຄວາມຈະເລີນຮຸ່ງເຮືອງ,ເພີ່ມທະວີການແລກປ່ຽນດ້ານວັດທະນະທຳແລະເພີ່ມຄວາມຜາສຸກໃຫ້ແກ່ປະຊາຊົນບັນດາປະເທດ.

ນາງຫຼິວຢຽນຕຸ່ງຫວັງວ່າ ສະຫະພັນມະຫາວິທະຍາໄລອາຊີຈະກາຍເປັນເວທີແຫ່ງການໂຮມສູນທັດສະນະຄະຕິແລະຊັບພະຍາກອນການສຶກສາ, ເປັນເວທີທີ່ປະສານການຄົ້ນຄວ້າດ້ານວິທະຍາສາດ, ເປັນເວທີແຫ່ງການແລກປ່ຽນທີ່ດີລະຫວ່າງວົງການວິຊາການ,ລັດຖະບານກັບວິສາຫະກິດ, ເປັນເວທີທີ່ສະແດງໃຫ້ເຫັນອະລິຍະທຳທີ່ມີຫຼາກຫຼາຍສີສັນແລະເປັນເວທີແລກປ່ຽນແລະຮ່ວມມືສາກົນ.

ສະມາຊິກກໍ່ຕັ້ງສະຫະພັນມະຫາວິທະຍາໄລອາຊີປະກອບດ້ວຍມະຫາວິທະຍາໂດດເດັ່ນ 15 ແຫ່ງຈາກ 14 ປະເທດແລະເຂດແຄວ້ນ.