（ທ່ານຄຳມະນີ ອິນທິລາດ ໃຫ້ສຳພາດຕໍ່ນັກຂ່າວ CRI）
ໃນເວລາໃຫ້ສໍາພາດຕໍ່ນັກຂ່າວ CRI ແລະສື່ມວນຊົນຈີນອື່ນໆ ໃນວັນທີ 28 ນີ້, ທ່ານຄຳມະນີ ອິນທິລາດ ກຳມະການສູນກາງພັກ,
ລັດຖະມົນຕີກະຊວງພະລັງງານ ແລະບໍ່ແຮ່, ປະທານສະມາຄົມມິດຕະພາບລາວ-ຈີ ຂັ້ນສູນກາງໄດ້ຕີລາຄາສູງຕໍ່ຂໍ້ລິເລີ່ມ"ໜື່ງແລວທາງ
ໜື່ງເສັ້ນທາງ"ຂອງຈີນ.ທ່ານເຫັນວ່າຂໍ້ລິເລີ່ມດັ່ງກ່າວມີຄວາມໝາຍອັນສໍາຄັນໃນການຊຸກຍູ້ສາຍພົວພັນລະຫວ່າງລາວ-ຈີນລົງສູ່ລວງເລິກ.
ທ່ານກ່າວວ່າ,ສອງພັກສອງລັດຂອງລາວ ແລະ ຈີນ ເຫັນດີເປັນເອກະພາບກັນ ໃນການຮ່ວມມືພັດທະນາ ແລະ ມີຜົນປະໂຫຍດຮ່ວມກັນ
ຕາມຍຸດທະສາດ "ໜື່ງແລວ ທາງໜື່ງເສັ້ນທາງ" ພາຍໃຕ້າຫຼັກການຮ່ວມກັນປຶກສາ, ຮ່ວມກັນກໍ່ສ້າງ ແລະ ຮ່ວມກັນຊົມໃຊ້. ຂໍ້ລິເລີ່ມ
"ໜື່ງແລວທາງໜື່ງເສັ້ນທາງ" ທີ່ທ່ານສີຈິນຜິງ, ປະທານປະເທດຈີນໄດ້ວາງອອກໃນປີ 2013 ຜ່ານມານີ້ ເປັນຈຸດເລີ່ມຕົ້ນ ທີ່ມີຄວາມ
ໝາຍສຳຄັນທີ່ຂາດບໍ່ໄດ້ເຂົ້າໃນການຂະຫຍາຍ ແລະ ລົງເລິກຮ່ວມມືໃນຫຼາຍຂົງເຂດລະຫວ່າງ ສປປ ລາວ ແລະ ສປ ຈີນ ໂດຍສະ
ເພາະແມ່ນຂົງເຂດການລົງທຶນ, ອຸດສາຫະກຳການຜະລິດ, ການຄ້າ, ການເງິນ, ວັດທະນະທຳສັງຄົມ, ການເຊື່ອມໂຍງທາງດ້ານນະໂຍບາຍ,
ພື້ນຖານໂຄງລ່າງ ແລະ ອື່ນໆ.
ຜູ້ນໍາປະເທດລາວຈະເຂົ້າຮ່ວມກອງປະຊຸມເວທິປຶກສາຫາລືສຸດຍອດ "ໜື່ງແລວ ທາງໜື່ງເສັ້ນທາງ"ເພື່ອການຮ່ວມມືສາກົນທີ່ຈະຈັດຂຶ້ນ
ຢູ່ນະຄອນຫຼວງປັກກິ່ງໃນກາງເດືອນພຶດສະພານີ້, ທ່ານຄໍາມະນີ ອິນທິລາດຫວັງວ່າຈະນໍາເອົາທິດສະດີແລະຫລັກການຂອງ"ໜື່ງແລວ
ທາງໜື່ງເສັ້ນທາງ"ເຂົ້າໃນພາລະກິດຕ່າງໆຂອງສອງປະເທດ.ທ່ານກ່າວວ່າ:ໃນອານາຄົດອັນໃກ້ນີ້ສອງພັກສອງລັດ ລາວ ແລະ ຈີນ
ຈະໄດ້ປະຕິບັດ 3 ຫຼັກການພື້ນຖານຄື: ຫຼັກການທີ 1: ຮ່ວມມື, ຮ່ວມສ້າງແລະ ຮ່ວມຮັບຜົນປະໂຫຍດ, ອີງຕາມຈິດໃຈຂອງເສັ້ນທາງສາຍ
ໄໝທີ່ວ່າ:"ຮ່ວມມືຢ່າງ ສັນຕິ, ເປີດກວ້າງ, ແລກປ່ຽນຮຽນຮູ້ນຳກັນ, ຕ່າງຝ່າຍຕ່າງໄດ້ຮັບຜົນປະໂຫຍດ" ຢືດໝັ້ນການຮ່ວມປຶກສາສ້າງ
ແຜນ, ຮ່ວມສ້າງກົນໄກ ແລະ ຮ່ວມສ້າງຊົມໃຊ້ຜົນປະ ໂຫຍດ.ຫຼັກການທີ່ 2: ຮ່ວມມືເປັນຮູບປະທໍາ, ເນັ້ນໜັກສິດທິຜົນ,ນໍາໃຊ້ກົນໄກການ
ຮ່ວມມືສອງຝ່າຍທີ່ມີຢູ່ ແລະ ກົນໄກການຮ່ວມມືຫຼາຍຝ່າຍທີ່ສອງປະເທດມີສ່ວນຮ່ວມ ໃຫ້ໄດ້ຢ່າງເຕັມສ່ວນ, ອີງໃສ່ທ່າແຮງ ແລະ ຄວາມ
ຕ້ອງການໃນການພັດທະນາຂອງສອງຝ່າຍ, ຖືເອົາໂຄງການຮ່ວມມືສອງຝ່າຍເປັນຫຼັກ ເພື່ອພ້ອມກັນກັບການຮ່ວມມື ກັບປະເທດທີ່ສາມໂດຍ
ມີຈຸດສຸມໃຫ້ສາມາດນຳເອົາຜົນປະໂຫຍດອັນແທ້ຈິງມາສູ່ປະຊາຊົນລາວ-ຈີນ.ຫຼັກການທີ 3: ລັດຖະບານສົ່ງເສີມ, ຕະຫຼາດຕັດສິນ.ເສີມຂະ
ຫຍາຍ ບົດບາດຂອງເວທີການແລກປ່ຽນຂໍ້ມູນຂ່າວສານລະຫວ່າງສອງປະເທດໃນຫຼາຍລະດັບ ແລະ ຫຼາຍຂົງເຂດ, ຂະຫຍາຍການຮ່ວມມື
ຫຼາຍຮູບການໄປພ້ອມກັນເຊັ່ນ:ການຮ່ວມມື ລະຫວ່າງລັດຖະບານ ແລະ ການຮ່ວມມືໃນກົນໄກຕະຫຼາດ, ຖືປະເພນີການປະ ຕິບັດຂອງສາ
ກົນ, ແນວໂນ້ມຂອງຕະຫຼາດ, ຫຼັກການວິຊາສະເພາະ ແລະ ຮ່ວມກັນຊຸກຢູ້ການຈັດຕັ້ງປະຕິບັດໂຄງການຕ່າງຕ່າງໆ.
ປີນີ້ແມ່ນຖືກກັບສອງປະເທດສ້າງສາຍພົວພັນທາງການທູດຄົບຮອບ 56 ປີ,ທ່ານຄໍາມະນີ ອິນທິລາດກໍໄດ້ຕີລາຄາສູງຕໍ່ສາຍພົວພັນລະຫວ່າງ
ສອງຝ່າຍ,ກ່າວວ່າ:ສປປ ລາວ ແລະ ສປ ຈີນແມ່ນສອງປະເທດທີ່ມີຊາຍແດນຕິດຈອດກັນດ້ວຍ ສາຍພູ ແລະ ແມ່ນ້ຳລຳເຊ, ປະຊາຊົນ
ສອງຊາດມີມູນເຊື້ອສາຍພົວພັນມິດຕະພາບ ແລະ ປອງດອງມາຕັ້ງແຕ່ບູຮານໃນເມື່ອກ່ອນ. ສອງປະເທດລາວ-ຈີນໄດ້ສ້າງສາຍ ພົວພັນ
ທາງການທູດນະກັນ ໃນວັນທີ 25 ເມສາ 1961, ດ້ວຍເຫດນີ້ ສອງປະເທດ ໄດ້ສືບຕໍ່ປົກປັກຮັກສາ ແລະ ເສີມຂະຫຍາຍມູນເຊຶ້ອຮັກແພງ
ສາມັກຄີຊ່ວຍເຫຼືອເຊິ່ງ ກັນ ແລະ ກັນ, ແລະ ນ້ຳໃຈມິດຕະພາບນັລມື້ນັບເພີ່ມທະວີ, ເຊິ່ງສະແດງໃຫ້ເຫັນ ຢ່າງຈະແຈ້ງການເພີ່ມທະວີການ
ຢ້ຽມຢາມ, ການແລກປ່ຽນຄະນະຜູ້ແທນຂັ້ນຕ່າງໆ ແລະ ຖອດຖອນບົດຮຽນໃນທຸກດ້ານນຳກັນເປັນປະຈຳ ຂອງຜູ້ນຳສອງພັກ ແລະ ລັດ,
ມີການຂະຫຍາຍສາຍພົວພັນມິດຕະພາບ ແລະ ຮ່ວມມືທາງດ້ານການເມືອງ, ເສດຖະກິດ, ການຄ້າ, ວິທະຍາສາດເຕັກນິກ, ການສຶກສາ ແລະ
ວັດທະນາທຳ ບົນພື້ນຖານຄວາມສະເໝີພາບ ຕ່າງຝ່າຍຕ່າງມີຜົນປະໂຫຍດ, ເຮັດໃຫ້ການພົວ ພັນມິດຕະພາບອັນເປັນມູນເຊື້ອ
ແລະ ຄູ່ຮ່ວມຍຸດທະສາດຮອບດ້ານ ລະຫວ່າງ ສອງພັກສອງປະເທດ ແລະ ປະຊາຊົນສອງຊາດລາວ-ຈີນ ຕາມທິດ 4 ດີ, ຄື:ເພື່ອນ
ບ້ານທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ ທີ່ນັບມື້ໄດ້ຮັບ ການເສີມຂະຫຍາຍຢ່າງບໍ່ຢຸດຢັ້ງ.
