ວັນທີ 28 ເມສານີ້, ທ່ານເອຮະເມັດ ອຶມຊູສູ ຜູ້ອຳນວຍການໃຫຍ່ອົງການເກືອດຫ້ອມອາວຸດເຄມີ ຫຼື OPCW ຊີ້ອອກວ່າ,ນັບແຕ່ໄດ້ເຊັນ"ສົນທິສັນຍາເກືອດຫ້າມອາວຸດເຄມີ" ກໍຄື ອົງການເກືອດຫ້າມອາວຸດເຄມີ ສ້າງຕັ້ງຂຶ້ນໃນຮອບ 20 ປີມານີ້, ປະຊາຄົມໂລກໄດ້ຮັບຜົນງານທີ່ພົ້ນເດັ່ນໃນດ້ານການຍົກເລີກອາວຸດເມມີຢ່າງເຖິງຖອງ, ແຕ່ໃນຫຼາຍປີມໍ່ໆມານີ້, ໄດ້ເກີດເຫດການໃຊ້ອາວຸດເຄມີຂຶ້ນເລື້ອຍໆ, ຜູ້ຫົວຮຸນແຮງຍັງອາດຈະກໍ່ "ການໂຈມຕີດ້ວຍອາວຸດເຄມີ".ສະນັ້ນ, ຝ່າຍຕ່າງໆທີ່ກ່ຽວຂ້ອງຄວນສືບຕໍ່ເພີ່ມທະວີການຮ່ວມມື, ປ້ອງກັນ ຮັບມືຢ່າງບັງເກີດຜົນ ແລະ ຍົກເລີກການຂົ່ມຂູ່ຈາກອາວຸດເຄມີຢ່າງເຖິງຖອງໃນທີ່ສຸດ.
ມື້ດຽວກັນ, ໃນເວລາໃຫ້ສຳພາດຕໍ່ນັກຂ່າວ, ທ່ານອຶມຊູສູກ່າວວ່າ,ປັດຈຸບັນໄດ້ມີ 192 ປະເທດລົງນາມໃນ "ສົນທິສັນຍາເກືອດຫ້າມອາວຸດເຄມີ" ແລ້ວ, ເຊິ່ງໄດ້ກວມປະຊາກອນ 98% ຂອງທົ່ວໂລກ. ໃນລາຍຊື່ສານເຄມີທີ່ເປັນອາວຸດໄດ້ທີ່ປະເທດຕ່າງໆໃນໂລກໄດ້ລາຍງານນັ້ນ, ເກືອບ 95% ໄດ້ຖືກທຳລາຍ. ແຕ່ນັບແຕ່ປີ 2013 ເປັນຕົ້ນມາໄດ້ເກີດມີເຫດການໃຊ້ອາວຸດເຄມີຂຶ້ນຄືນໃໝ່, ອັນກາຍເປັນເຫການທີ່ໜ້າເປັນຫ່ວງຫຼາຍ. ນັບແຕ່ 6 ເດືອນທ້າຍປີ 2016 ມາຮອດປັດຈຸບັນ, ເຫດການທີ່ຖືກສົງໄສວ່າໄດ້ນຳໃຊ້ອາວຸດເຄມີທີ່ ອົງການເກືອດຫ້າມອາວຸດເຄມີສາກົນໄດ້ຮັບຊາບໂດຍຜ່ານຊ່ອງທາງຕ່າງໆນັ້ນກໍ່ມີ 45 ລາຍ, ໃນນັ້ນ ສ່ວນຫຼາຍເກີດຂຶ້ນຢູ່ຊີຣີ, ປັດຈຸບັນອົງການດັ່ງກ່າວໄດ້ສຳຫຼວດຕໍ່ເຫດການເຫຼົ່ານີ້.
"ສົນທິສັນຍາກ່ຽວກັບຫ້າມບໍ່ໃຫ້ພັດທະນາ, ຜະລິດ, ສະສົມ ແລະ ນຳໃຊ້ອາວຸດເຄມີ ພ້ອມທັງທຳລາຍອາວຸດເຄມີ" (ໂດຍຊື່ຫຍໍ້ຄື "ສົນທິສັນຍາເກືອດຫ້າມ ອາວຸດເຄມີ") ມີຜົນບັງຄັບໃຊ້ຢ່າງເປັນທາງການແຕ່ວັນທີ 29 ເມສາປີ 1997. ສຳນັກງານໃຫຍ່ຂອງອົງການເກືອດຫ້າມອາວຸດເຄມີຕັ້ງຢູ່ລາໄຮແຫ່ງໂຮນລັງ.