ກອງປະຊຸມສຸດຍອດອາຊຽນຄັ້ງທີ 30 ທີ່ອັດລົງໃນວັນທີ 29 ເມສານີ້ຢູ່ນະຄອນຫຼວງມະນີລາປະເທດຟີລິບປິນໄດ້ອອກຖະແຫຼງການປະທານເຊິ່ງບາງຕອນກ່ຽວກັບບັນຫາທະເລຈີນໃຕ້ໄດ້ເນັ້ນວ່າອາຊຽນກຳລັງເພີ່ມທະວີການຮ່ວມມືກັບຈີນໃນບັນຫານີ້.
ຖະແຫຼງການລະບຸວ່າ: ຜູ້ນຳປະເທດສະມາຊິກອາຊຽນທີ່ເຂົ້າຮ່ວມກອງປະຊຸມກ່າວຢ້ຳເຖິງຄວາມສຳຄັນແຫ່ງການຮັກສາສັນຕິພາບ,ສະຖຽນລະພາບແລະຄວາມໝັ້ນຄົງພ້ອມດ້ວຍສິດເສລີພາບໃນການເດີນເຮືອແລະການບິນຂ້າມນ່ານຟ້າຢູ່ທະເລຈີນໃຕ້.
ຖະແຫຼງການຍັງລະບຸວ່າ: ໄດ້ເອົາໃຈໃສ່ຜູ້ນຳບາງປະເທດທີ່ສະແດງຄວາມເປັນຫ່ວງຕໍ່ການຂະຫຍາຍຕົວຂອງສະຖານະການຢູ່ທະເລຈີນໃຕ້ໃນໄລຍະນີ້ ທັງກ່າວຢ້ຳເຖິງຄວາມສຳຄັນໃນການເພີ່ມຄວາມໄວ້ເນື້ອເຊື່ອໃຈກັນແລະຄວາມໝັ້ນໃຈ, ຮັກສາຄວາມອົດທົນດ້ວຍຕົນເອງໃນການເຄື່ອນໄຫວເພື່ອຫຼີກເວັ້ນບໍ່ໃຫ້ໃຊ້ການເຄື່ອນໄຫວທີ່ເຮັດໃຫ້ສະຖານະການສັບສົນຂຶ້ນຕື່ມ, ທັງສຸມໃສ່ການພະຍາຍາມແກ້ໄຂຂໍ້ຂັດແຍ້ງໂດຍສັນຕິ ແລະບໍ່ໃຊ້ກຳລັງອາວຸດຫຼືຂົ່ມຂູ່ວ່າຈະໃຊ້ກຳລັງອາວຸດ.
 |
