ທ່ານຮິຊາມູດິນ ຮູໄຊອິນ ລັດຖະມົນຕີກະຊວງປ້ອງກັນປະເທດມາເລເຊຍຢືນຢັນໃນຫວ່າງກ່ອນນີ້ບໍ່ດົນວ່າ: ຫຼັງຫົວໜ້າຜູ້ສຳຄັນຂອງກຸ່ມອາບູຊາເຢັຟພາກໃຕ້ຟີລິບປິນຖືກຍິງສັງຫານ, ມາເລເຊຍຈະເພີ່ມທະວີການປ້ອງກັນທາງທະເລໂດຍສະເພາະເຂດທະເລລັດຊາບາຢ່າງແໜ້ນ ເພື່ອບໍ່ໃຫ້ຜູ້ປະກອບອາວຸດອາບູຊາເຢັຟເຂົ້າປະເທດມາເລເຊຍ.
ຕາມສື່ມວນຊົນລາຍງານວ່າ: ທ້າວ ອານຮັບຊີ ຫົວໜ້າຜູ້ສຳຄັນຂອງກຸ່ມປະກອບອາວຸດອາບູຊາເຢັຟຖືກກອງກຳລັງຮັກສາຄວາມໝັ້ນຄົງຟີລິບປິນຍິງສັງຫານໃນການຍິງປະທະກັນຄັ້ງໜຶ່ງທີ່ເກີດຂຶ້ນຢູ່ໃກ້ກັບອິນດານານເມືອງໂຈໂລໃນຄືນວັນສຸກຜ່ານມາ.
ທ່ານຮິຊາມູດິນຢືນຢັນໃນກິດຈະກຳເປີດເຜີຍຄັ້ງໜຶ່ງໃນວັນທີ 30 ເມສາຜ່ານມາວ່າ: ການເພີ່ມທະວີຄວາມໝັ້ນຄົງຂອງເຂດທະເລຊາຍແດນແມ່ນເພື່ອປ້ອງກັນບໍ່ໃຫ້ກຳລັງເສດເຫຼືອຂອງກຸ່ມອາບູຊາເຢັຟເລັດລອດເຂົ້າມາເລເຊຍຍ້ອນສູ້ບໍ່ໄຫວຕໍ່ການປາບປາມຂອງກອງທັບຟີລິບປິນ.