(ກອງກຳປັ່ນທະຫານເຮືອຈີນເດີນທາງຢ້ຽມຢາມຟິລິບປິນຢ່າງສັນຖະວະໄມຕີ)
ວັນທີ 30 ເມສາແລ້ວນີ້ ກອງກຳປັ່ນທະຫານເຮືອຈີນໄດ້ເດີນທາງໄປຮອດເມືອງດາໂວ ທາງພາກໃຕ້ຂອງຟິລິບປິນເພື່ອຢ້ຽມຢາມຢ່າງສັນຖະວະໄມຕີ ອັນໄດ້ຮັບການຕ້ອນຮັບຢ່າງອົບອຸ່ນ.
ມື້ດຽວກັນ ທ່ານນາງຊາຣາ ດູເຕີເດຣ ເຈົ້າຄອງເມືອງດາໂວໄດ້ສະແດງຄວາມຍິນດີຕ້ອນຮັບຕໍ່ການໄປຢ້ຽມຢາມເມືອງດາໂວເປັນຄັ້ງທຳອິດຂອງກອງກຳປັ່ນທະຫານເຮືອຈີນ. ທ່ານກ່າວວ່າ, ເມືອງດາໂວມີການພົວພັນຢ່າງແໜ້ນແຟ້ນກັບຈີນ ຫວັງວ່າການຢ້ຽມຢາມເທື່ອນີ້ຈະເພີ່ມທະວີການແລກປ່ຽນກັນທາງການທະຫານ ແລະການຮ່ວມມືທາງທະເລລະຫວ່າງຟິລິບປິນ-ຈີນ, ເຊື່ອວ່າການຢ້ຽມຢາມ ຈະຊຸກຍູ້ສັນຕິພາບແລະມິດຕະພາບລະຫວ່າງສອງປະເທດ.
ຂ່າວແຈ້ງວ່າ, ກອງກຳປ່ັນທະຫານເຮືອຈີນດັ່ງກ່າວໄດ້ອອກເດີນທາງຈາກທ່າກຳປັ່ນແມ່ນ້ຳຫວງຜູນະຄອນຊຽງໄຮ້ຈີນນັບແຕ່ວັນທີ 23 ເມສາ ຈະເດີນທະເລໄປຢ້ຽມຢາມ 20 ກວ່າປະເທດຂອງອາຊີ ເອີລົບ ອາຟຼີກາ ແລະທະວີບໂອຊຽນນີຢ່າງສັນຖະວະໄມຕີ ເຊິ່ງຟິລິບປິນແມ່ນປະເທດທຳອິດໃນການຢ້ຽມຢາມຄັ້ງນີ້.
