ບໍລິສັດຈີນທີ່ຢູ່ມຽນມາພ້ອມຜູ້ຕາງໜ້າວົງການຕ່າງໆຂອງມຽນມາຈັດກອງປະຊຸມໂຕະມົນເພື່ອຊຸກຍູ້ການຮ່ວມມື
2017-05-01 16:28:55 cri
ຫວ່າງມໍ່ໆນີ້ ບໍລິສັດໂຄງການທໍ່ສົ່ງນ້ຳມົນອາຊີຕາເວັນອອກສຽງໃຕ້ຈຳກັດຂອງກຸ່ມບໍລິສັດນ້ຳມັນເຊື້ອໄຟຈີນ ທີ່ປະຈຳຢູ່ມຽນມາໄດ້ຈັດກອງປະຊຸມໂຕະມົນທ້າຍສັບປະດາຢູ່ເມືອງມານເດີລາ ເມືອງໃຫຍ່ອັນດັບ 2 ຂອງມຽນມາ ເພື່ອເພີ່ມທະວີຄວາມເຂົ້າໃຈກັນລະຫວ່າງບໍລິສັດຈີນແລະມຽນມາ ແລະຊຸກຍູ້ການຮ່ວມມື.
ທ່ານວາງຈົ່ງອິນ ກົງສູນໃຫຍ່ຂອງຈີນປະຈຳເມືອງມານເດີລາກ່າວໃນກອງປະຊຸມວ່າ, ຈີນ ແລະມຽນມາແມ່ນປະເທດບ້ານໃກ້ເຮືອນຄຽງທີ່ດີຕໍ່ກັນ, ໄດ້ດຳເນີນການຮ່ວມມືເປັນຢ່າງດີໃນທຸກຂົງເຂດ, ເຊິ່ງໂຄງການຮ່ວມມືເຫຼົ່ານີ້ໄດ້ເສີມຂະຫຍາຍບົດບາດສຳຄັນໃນການພັດທະນາເສດຖະກິດ-ສັງຄົມຂອງມຽນມາ.
ກອງປະຊຸມໂຕະມົນທ້າຍສັບປະດາ ແມ່ນກິດຈະກຳທີ່ຈັດຂຶ້ນໂດຍສະມາຄົມມິດຕະພາບມຽນມາ-ຈີນຂອງແຂວງມານເດີລາ ແລະສະມາຄົມນັກສຶກສາມຽນມາທີ່ຮຽນຢູ່ຈີນເປັນເຈົ້າພາບ ໂດຍມີຈຸດປະສົງເພື່ອຢາກໃຫ້ປະຊາຊົນມຽນມາຊອກຮູ້ປະເທດຈີນໃຫ້ຫຼາຍກວ່າເກົ່າ ຊຸກຍູ້ການແລກປ່ຽນກັນລະຫວ່າງປະຊາຊົນສອງປະເທດ ເຊິ່ງໄດ້ຈັດຂຶ້ນ 3 ຄັ້ງມາແລ້ວ.