ສອງພັກການເມືອງຂອງອາເມລິກາໄດ້ເປັນເອກະພາບກັນກ່ຽວກັບງົບປະມານຂອງລັດຖະບານ
2017-05-01 16:29:51 cri
ວັນທີ 30 ເມສາແລ້ວນີ້ ສື່ມວນຊົນອາເມລິກາລາຍງານວ່າ, ມື້ດຽວກັນ, ສະມາຊິກລັດຖະສະພາທີ່ຂຶ້ນກັບພັກຣີບັບບຼີກັນ ແລະພັກແຕໂມແກຼດອາເມລິໄດ້ກ້າວເຖິງຂັ້ນເປັນເອກະພາບກັນກ່ຽວກັບແຜນງົບປະມານລັດຖະບານສະບັບໜຶ່ງ, ເຊິ່ງຖ້າວ່າແຜນງົບປະມານສະບັບນີ້ໄດ້ຮັບການຜ່ານຮັບຮອງ ກໍຈະເຮັດໃຫ້ອົງການລັດຖະບານຂອງອາເມລິກາດຳເນີນງານຕໍ່ໄປຈົນຮອດເດືອນກັນຍາປີນີ້.
ຂ່າວແຈ້ງວ່າ ແຜນງົບປະມານສະບັບນີ້ລວມທັງງລາຍຈ່າຍທາງການທະຫານທີ່ເພີ່ມໃໝ່ຈຳນວນ 12,5 ຕື້ໂດລາສະຫະລັດ ແລະງົບຈຳນວນ 1 ຕື້ 500 ລ້ານໂດລາສະຫະລັດທີ່ຈະໃຊ້ໃນການເພີ່ມທະວີຄວາມໝັ້ນຄົງຕາມເຂດຊາຍແດນ. ມີສື່ມວນຊົນແຈ້ງຕື່ມວ່າ, ແຜນງົບປະມານດັ່ງກ່າວມີມູນຄ່າລວມທັງໝົດປະມານ 1 ພັນຕື້ໂດລາສະຫະລັດ.
ຂ່າວແຈ້ງອີກວ່າ, ແຜນງົບປະມານດັ່ງກ່າວໄດ້ຕອບສະໜອງຄວາມຕ້ອງການຂອງທ່ານປະທານາທິບໍດີໂດນັນ ທຣຳກ່ຽວກັບການເພີ່ມຄ່າໃຊ້ຈ່າຍທາງການທະຫານໃຫ້ຫຼາຍຂຶ້ນ, ແຕ່ບໍ່ໄດ້ສະໜອງທຶນການສ້າງກຳແພງຕາມເຂດຊາຍແດນ ແລະກໍບໍ່ໄດ້ຫຼຸດຄ່າໃຊ້ຈ່າຍຂອງບາງພາກສ່ວນລັດຖະບານໂດຍອີງຕາມຄວາມຮຽກຮ້ອງຂອງທ່ານທຣຳ.
