ໃນໄລຍະຢ້ຽມຢາມອັງກິດແຕ່ວັນທີ 28 ຫາວັນທີ 29 ເມສາແລ້ວນີ້, ທ່ານຊິນໂຈ ອາເປ ນາຍົກລັດຖະມົນຕີຍີ່ປຸ່ນ ແລະ ທ່ານນາງດຼີຊາ ເມນາຍົກລັດຖະມົນຕີອັງກິດໄດ້ຈັດການເຈລະຈາໂດຍໝູນອ້ອມບັນຫາຕ່າງໆ ເຊັ່ນ, ສັນຍາການຄ້າຍີ່ປຸ່ນ-ອັງກິດ "ຫຼັງອັງກິດຖອນອອກຈາກສະຫະພາບເອີລົບ", ຍີ່ປຸ່ນລົງທຶນຢູ່ອັງກິດ ແລະ ສະຖານະການແຫຼມເກົາຫຼີເປັນຕົ້ນ.
ສື່ມວນຊົນອັງກິດລາຍງານວ່າ, ໃນເວລາເຈລະຈາ, ທ່ານຊິນໂຈ ອາເປຮຽກຮ້ອງໃຫ້ອັງກິດຈົ່ງຮັບປະກັນໃຫ້ຖອນຕົວອອກຈາກສະຫະພາບເອີລົບຢ່າງສະດວກ ແລະ ສຳເລັດຜົນ ເພື່ອບໍ່ກະທົບເຖິງຜົນປະໂຫຍດຂອງວິສາຫະກິດຍີ່ປຸ່ນທີ່ຢູ່ອັງກິດ.
ອັງກິດແມ່ນປະເທດທີ່ເປັນເປົ້າໝາຍການລົງທຶນຫຼາຍອັນດັບສອງຂອງຍີ່ປຸ່ນ, ບໍລິສັດຍີ່ປຸ່ນປະມານ 1 ພັນແຫ່ງ ເຊັ່ນ, ບໍລິສັດໂຮງດາ, ຮິດາຊິ ແລະ ມິຊຸປິຊີໄດ້ຈ້າງເອົາແຮງງານອັງກິດປະມານ 1 ແສນ 4 ໝື່ນຄົນ.