ຫໍພິພິທະພັນງານເອັກສ໌ໂປໂລກແຫ່ງທຳອິດຂອງໂລກນັບແຕ່ມີການຈັດງານເອັກສ໌ໂປໂລກຄັ້ງທຳອິດຈົນຮອດປັດຈຸບັນ ໄດ້ເລີ່ມເປີດບໍລິການແລ້ວຢູ່ທີ່ຕັ້ງເກົ່າຂອງງານເອັກສ໌ໂປນະຄອນຊຽງໄຮ ໃນວັນທີ 1 ພຶດສະພານີ້ ເຊິ່ງເປັນຫໍພິພິທະພັນທາງການ ແລະ ສູນເອກະສານເກົ່າທາງການພຽງແຫ່ງດຽວທີ່ວາງສະແດງປະຫວັດຄວາມເປັນມາຂອງການພັດທະນາງານເອັກສ໌ໂປໃນໂລກ.
ໜ່ວຍງານອອກແບບແລະປະກອບການວາງສະແດງຂອງຫໍພິພິທະພັນປະກອບດ້ວຍນັກວິຊາການຈີນ, ແອັສປາຍ ແລະ ອີຕາລີ, ຂະນະທີ່ຫ້ອງວາງສະແດງປະຈຳ 8 ຫ້ອງໄດ້ກວມເອົາເນື້ອທີ່ກວ້າງປະມານ 9.000 ຕາແມັດ ໂດຍວາງສະແດງເຄື່ອງບໍລິຈາກ ຈາກທົ່ວໂລກ 3.000 ກວ່າຊະນິດ ໂດຍຜູ້ເຂົ້າຊົມຈະໄດ້ຮັບການແນະນຳເປັນພາສາຈີນ ແລະ ອັງກິດ, ຂະນະທີ່ກົມວາງສະແດງສາກົນກໍມີການວາງສະແດງເປັນພິເສດຢູ່ຫໍພິພິທະພັນນີ້.
ທ່ານຫຼິວຊິ້ວຮວາ ຫົວໜ້າຫໍພິພິທະພັນງານເອັກສ໌ໂປ ກ່າວວ່າ: ຢູ່ລຽບຕາມ "ໜຶ່ງແລວທາງໜຶ່ງເສັ້ນທາງ", ຈີນແລະງານເອັກສ໌ໂປຈະສືບຕໍ່ຮັດແໜ້ນສາຍພົວພັນ, ຂະນະທີ່ຫໍພິພິທະພັນຕົນກໍຈະດຳເນີນການສຶກສາຄົ້ນຄວ້າວິຊາການ, ຮວບຮວມເຄື່ອງຂອງແລະເອກະສານເກົ່າ, ແລກປ່ຽນວັດທະນະທຳ ແລະອື່ນໆ ໂດຍຜ່ານເວທີສາກົນແຫ່ງງານເອັກສ໌ໂປ.
