ທ່ານຫວາງເຕີຊານ ຫົວໜ້າພະແນກການຄ້າເມືອງປາວຊານ ແຂວງຢຸນນານ ສປ ຈີນ ຢືນຢັນຫວ່າງມໍ່ໆນີ້ວ່າ: ນັບແຕ່ປີ 2006 ຈົນເຖິງປັດຈຸບັນ, ເມືອງຕົນແລະມຽນມາ ໄດ້ຮ່ວມມືກັນໃນຂະແໜງກະສິກຳ ໂດຍປະສົບຜົນສຳເລັດໃນການປູກພືດທົດແທນຊະນິດຕ່າງໆ ເປັນຕົ້ນ ກ້ວຍ, ອ້ອຍ, ຢາງພາລາ ແລະອື່ນໆ ເຖິງ 3 ໝື່ນ 3.000 ກວ່າເຮັກຕາ ໃນນີ້ເກືອບ 6700 ຮັກຕາເຄີຍເປັນເນື້ອທີ່ປູກຕົ້ນຝິ່ນໃນເມື່ອກ່ອນ.
ທ່ານຫວາງເຕີຊານ ກ່າວຕື່ມວ່າ: ນັບແຕ່ເມືອງຕົນ ແລະ ເມືອງມິດກີນາ ປະເທດມຽນມາເປັນເມືອງແຮກສ່ຽວຢ່າງເປັນທາງການເມື່ອປີ 2010 ເປັນຕົ້ນມາ, ການຮ່ວມມືລະຫວ່າງອຳນາດການປົກຄອງ, ອົງການຈັດຕັ້ງສັງຄົມ ແລະ ວິສາຫະກິດ ຂອງສອງເມືອງໃນຂົງເຂດຕ່າງໆ ເປັນຕົ້ນ ວັດທະນະທຳ, ເສດຖະກິດການຄ້າ ແລະ ການປູກພືດທົດແທນ ໄດ້ພັດທະນາຢ່າງແໜ້ນແຟ້ນຍິ່ງຂຶ້ນ. ຂະນະທີ່ປັດຈຸບັນ, ພືດທີ່ປູກທົດແທນຢູ່ມຽນມາຂອງວິສາຫະກິດເມືອງຕົນໄດ້ເຂົ້າສູ່ໄລຍະເກັບກ່ຽວແລ້ວ ເຊິ່ງຖືວ່າເປັນຜົນສຳເລັດໃນການສະກັດກັ້ນການປູກຝິ່ນຢູ່ປະເທດດັ່ງກ່າວ ແລະສົ່ງຜົນເຮັດໃຫ້ຕະຫຼາດຊື້ຂາຍຜະລິດຕະພັນກະສິກຳຢູ່ເຂດຊາຍແດນໄດ້ຮັບການພັດທະນາຂຶ້ນ, ເສດຖະກິດຢູ່ບໍລິເວນດ່ານເຂົ້າອອກເມືອງກໍຈະເລີນຮຸ່ງເຮືອງ. ຈາກນີ້ຈຶ່ງເຫັນໄດ້ວ່າ, ການທີ່ສອງຝ່າຍຮ່ວມມືໃນຂະແໜງກະສິກຳຂ້າມຊາດນັ້ນ ເປັນການຊ່ວຍຊູຍູ້ໜູນກັນດ້ວຍທ່າແຮງຂອງແຕ່ລະຝ່າຍ ແລະຕ່າງຝ່າຍຕ່າງກໍໄດ້ຮັບຜົນປະໂຫຍດຮ່ວມກັນ.
