ສື່ມວນຊົນກຳປູເຈຍລາຍງານວ່າ: ຫວ່າງມໍ່ໆມານີ້, ທ່ານ ອິສຊຳເຮັງ ລັດຖະມົນຕີກະຊວງວຽກງານແລະແຮງງານກຳປູເຈຍໄດ້ກ່າວວ່າ: ກ່ອນທ້າຍປີນີ້, ຈະປະຕິບັດນະໂຍບາຍເງິນບຳນານໃຫ້ກຳມະກອນ ເພື່ອຮັບປະກັນໃຫ້ມີຊີວິດການເປັນຢູ່ທີ່ດີຫຼັງບຳນານ.
ທ່ານ ອິສຊຳເຮັງ ກ່າວວ່າ: ບໍ່ວ່າກຳມະກອນຂອງວິສາຫະກິດຂະໜາດໃຫຍ່ຫຼືນ້ອຍກໍຕາມ,ລ້ວນແຕ່ຈະໄດ້ຮັບການປະຕິບັດຢ່າງສະເໝີພາບຕາມນະໂຍບາຍເງິນບຳນານ ໂດຍກຳມະກອນທີ່ກິນເບັ້ຍບຳນານຈະມີອາຍຸ 60 ປີ, ກົມກອງທຶນຮັບປະກັນສັງຄົມທີ່ຂຶ້ນກັບກະຊວງວຽກງານແລະແຮງງານກຳປູເຈຍຈະຮັບຜິດຊອບການເບີກຈ່າຍເງິນໃຫ້ກຳມະກອນ. ປັດຈຸບັນ, ຢູ່ກຳປູເຈຍມີແຕ່ພະນັກງານລັດຖະກອນແລະທະຫານເທົ່ານັ້ນທີ່ໄດ້ຮັບເງິນບຳນານ.
 |
