ໃນວັນທີ 30 ເມສາຜ່ານມາ, ທ່ານ ໂຈໂຄ ວິໂດໂດ ປະທານາທິບໍດີອິນໂດເນເຊຍໄດ້ຢ້ຽມຢາມເຂດບໍລິຫານພິເສດຮົງກົງ ສປ ຈີນຢ່າງເປັນທາງການເປັນເວລາ 2 ວັນ ແລະໃນວັນທີ 1 ພຶດສະພານີ້, ທ່ານ ລຽງເຈີ້ນຢີ່ງ ເຈົ້າໜ້າທີ່ເຂດບໍລິຫານພິເສດຮົງກົງກໍໄດ້ກ່າວຂະນະພົບປະກັບທ່ານໂຈໂຄ ວິໂດໂດວ່າ: ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຈະສ້າງຄວາມສາມາດດ້ານການພັດທະນາທີ່ໃຫຍ່ຫຼວງໃຫ້ແກ່ເຂດພິເສດຮົງກົງແລະອາຊຽນເຊິ່ງລວມທັງອິນໂດເນເຊຍດ້ວຍ.
ທ່ານ ລຽງເຈີ້ນຢີ່ງ ກ່າວວ່າ: ເຂດພິເສດຮົງກົງຈະກຳແໜ້ນນະໂຍບາຍ "ປະເທດດຽວ" ແລະ "ສອງລະບອບ" ຢ່າງຕັ້ງໜ້າ ໂດຍການເພີ່ມທະວີການພົວພັນດ້ານເສດຖະກິດການຄ້າກັບອິນໂດເນເຊຍກໍຄືຄູ່ຮ່ວມການຄ້າທີ່ສຳຄັນຂອງ "ໜຶ່ງແລວທາງໜຶ່ງເສັ້ນທາງ" ຕື່ມອີກ.
ໃນມື້ດຽວກັນ, ທ່ານ ລຽງເຈີ້ນຢີ່ງ ກໍໄດ້ເປັນສັກຂີພະຍານໃນການເຊັນບົດບັນທຶກຄວາມເຂົ້າໃຈການຮ່ວມມືດ້ານວັດທະນະທຳແລະຖະແຫຼງການຮ່ວມກ່ຽວກັບການຮ່ວມມືດ້ານວຽກງານແລະແຮງງານລະຫວ່າງເຂດພິເສດຮົງກົງກັບອິນໂດເນເຊຍ. ພ້ອມກັນນັ້ນ, ທ່ານ ລຽງເຈີ້ນຢີ່ງ ຍັງໄດ້ຂຽນບົດຄວາມລົງໃນເວັບໄຊຄົບຄ້າສະມາຄົມໂດຍຊີ້ໃຫ້ເຫັນວ່າ: ໃນການພັດທະນາການພົວພັນດ້ານເສດຖະກິດ-ການຄ້າລະຫວ່າງອິນໂດເນເຊຍກັບກຸ່ມຕົວເມືອງຂອງເຂດອ່າວກວາງຕຸ້ງ,ເຂດພິເສດຮົງກົງແລະອົສຕຣາລີນັ້ນ, ເຂດພິເສດຮົງກົງຈະເສີມຂະຫຍາຍບົດບາດການເຊື່ອມຕໍ່ທີ່ພິເສດແລະສຳຄັນຂອງຕົນໃຫ້ມີປະສິດທິພາບສູງຂຶ້ນ.