ກົມທ່ອງທ່ຽວແຫ່ງຊາດຈີນໄດ້ໃຫ້ຮູ້ໃນວັນທີ 1 ພຶດສະພານີ້ວ່າ: ໃນໄລຍະພັກວັນກຳມະກອນສາກົນ, ຈີນໄດ້ຕ້ອນຮັບນັກທ່ອງທ່ຽວ 134 ລ້ານເທື່ອຄົນ ເພີ່ມຂຶ້ນ 14,4% ເມື່ອທຽບໃສ່ໄລຍະດຽວກັນຂອງປີຜ່ານມາ ແລະ ສາມາດສ້າງລາຍຮັບໄດ້ເຖິງ 79 ຕື້ 100 ລ້ານຢວນ ເພີ່ມຂຶ້ນ 16,2% ເມື່ອທຽບໃສ່ໄລຍະດຽວກັນຂອງປີຜ່ານມາ.
ທ່ານ ໂຮວເຈີ້ນກ່າງ ໂຄສົກກົມທ່ອງທ່ຽວແຫ່ງຊາດຈີນໄດ້ກ່າວໃນການຖະແຫຼງຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງວ່າ: ໃນວັນພັກທີ 1 ພຶດສະພາປີ 2017, ຮູບແບບການທ່ອງທ່ຽວຂອງຂະແໜງການທ່ອງທ່ຽວໃນທົ່ວປະເທດຈີນໄດ້ຫັນຈາກແຫຼ່ງໃດໜຶ່ງມາເປັນຂອບເຂດໃດໜຶ່ງຢ່າງຈະແຈ້ງ. ນອກນີ້,ລາຍການທ່ອງທ່ຽວໂດຍການຂັບລົດເອງກໍໄດ້ຮັບຄວາມນິຍົມຈາກນັກທ່ອງທ່ຽວຢ່າງຕໍ່ເນື່ອງ ແລະເມື່ອເບິ່ງຈາກຄວາມເປັນລະບຽບແບບແຜນຂອງຕະຫຼາດໃນວັນກຳມະກອນສາກົນ ທີ 1 ພຶດສະພາຂອງປີນີ້ແລ້ວ,ທັດສະນະຄະຕິແລະບົດບາດການຄຸ້ມຄອງການທ່ອງທ່ຽວຂອງທຸກຂອບເຂດໄດ້ຮັບການຢືນຢັນຢ່າງຈະແຈ້ງທີ່ສຸດ.
 |
