ຕາມຂ່າວສານຊິນຮວາ: ຄລິນເວວດ໌ປິດມາວິກໂກເດເລີ ສຳນັກງານກວດບັນຊີທີ່ມີຊື່ສຽງ ໄດ້ເຜີຍແຜ່ບົດລາຍງານໃນວັນທີ 1 ພຶດສະພານີ້ວ່າ, ປີ 2016 ຜ່ານມາ, ຈີນໄດ້ລົງທຶນຢູ່ອົສຕຣາລີ 15 ຕື້ 400 ລ້ານໂດລາອົສຕຣາລີ ເພີ່ມຂຶ້ນ 11,7% ເມື່ອທຽບໃສ່ປີກ່ອນ ເຊິ່ງໄດ້ສ້າງສະຖິຕິສູງໃໝ່ນັບແຕ່ປີ 2008 ເປັນຕົ້ນມາ.
ບົດລາຍງານດັ່ງກ່າວທີ່ຂຽນໂດຍຄລິນເວວດ໌ປິດມາວິກໂກເດເລີແລະມະຫາວິທະຍາໄລຊິດນີ ຊີ້ໃຫ້ເຫັນວ່າ, ປີ 2016 ຜ່ານມາ, ວິສາຫະກິດຈີນ ໄດ້ເຊັນສັນຍາການຄ້າເຖິງ 103 ໂຄງການເຊິ່ງເປັນສະຖິຕິສູງສຸດ ແລະຈາກນີ້, ອົສຕຣາລີຈຶ່ງສືບຕໍ່ເປັນປະເທດຈຸດໝາຍປາຍທາງການລົງທຶນໃຫຍ່ອັນດັບສອງຂອງຈີນ ຖັດມາຈາກອາເມລິກາເທົ່ານັ້ນ.
ບົດລາຍງານຍັງສະແດງໃຫ້ເຫັນວ່າ, ພື້ນຖານໂຄງລ່າງຕຶກການຄ້າແມ່ນຂົງເຂດທີ່ວິສາຫະກິດຈີນນິຍົມລົງທຶນທີ່ສຸດ ແລະການລົງທຶນຂອງວິສາຫະກິດຈີນຢູ່ອົສຕຣາລີ ກໍນັບມື້ນັບສົດໃສ, ຂະນະທີ່ວິສາຫະກິດຂອງສອງປະເທດທີ່ຮ່ວມລົງທຶນນັ້ນ ກໍເພີ່ມຂຶ້ນຢ່າງຕໍ່ເນື່ອງ ລວມທັງວິສາຫະກິດຈີນທີ່ເພີ່ມການລົງທຶນກໍໄດ້ເພີ່ມຂຶ້ນເຊັ່ນດຽວກັນ.