ທ່ານພ່ານຈ້ຽນເຫວີຍ ຈາກມະຫາວິທະຍາໄລວິທະຍາສາດ-ເຕັກນິກຈີນ ທັງເປັນສະມາຊິກສະຖາບັນວິທະຍາສາດແຫ່ງຊາດຈີນ ໄດ້ປະກາດຢູ່ນະຄອນຊຽງໄຮໃນວັນທີ 3 ພຶດສະພານີ້ວ່າ: ຄະນະຄົ້ນຄວ້າວິທະຍາສາດຈີນສາມາດຜະລິດຄອມພິວໂຟຕອນ (photon computer ຫຼື PHC) ໄດ້ຢ່າງສຳເລັດ ແລະຄອມພິວເຕີຮຸ່ນນີ້ມີຄວາມສາມາດຄິດໄລ່ໄດ້ໄວກວ່າຄອມພິວເຕີຄລາຊິກໄລຍະຕົ້ນເປັນຄັ້ງທຳອິດ.
ຜົນການທົດສອບສະແດງໃຫ້ເຫັນວ່າ, ຄອມພິວເຕີຕົ້ນແບບນີ້ເກັບຕົວຢ່າງໄດ້ໄວກວ່າຜົນການທົດສອບຂອງເພື່ອນຮ່ວມງານໃນສາກົນຢ່າງໜ້ອຍ 2 ໝື່ນ 4.000 ເທົ່າ ແລະເມື່ອທຽບໃສ່ວິທີການຄິດໄລ່ຄລາຊິກແລ້ວ ກໍໄວກວ່າຄອມພິວເຕີຫຼອດເອເລັກຕຼົງ ແລະ ຄອມພິວເຕີຫຼອດຕຼັງຊິສະເຕີເຄື່ອງທຳອິດ ໃນປະຫວັດສາດມວນມະນຸດແຕ່ 10 ເຖິງ 100 ເທົ່າ.
ທ່ານພ່ານຈ້ຽນເຫວີຍ ກ່າວຕື່ມວ່າ: ຄອມພິວເຕີໂຟຕອນເຄື່ອງນີ້ເປັນຂີດໝາຍສະແດງໃຫ້ເຫັນວ່າ ຈີນໄດ້ບຸກທະລຸການຄົ້ນຄວ້າຄອມພິວເຕີໂຟຕອນແລ້ວ ແລະເປັນການສ້າງພື້ນຖານອັນໜັກແໜ້ນໃຫ້ແກ່ຄອມພິວເຕີໂຟຕອນທີ່ມີຄວາມສາມາດຄິດໄລ່ໄວກວ່າວິທີການຄິດໄລ່ຄລາຊິກໃນທີ່ສຸດ.
