ຫຼັງພັດທະນາມາເປັນເວລາ 30 ປີ, ພາກເອກະຊົນຫວຽດນາມໄດ້ປະກອບສ່ວນຕໍ່ເສດຖະກິດແຫ່ງຊາດເຖິງ 40% ເຊິ່ງເປັນການປະກອບສ່ວນຢ່າງໃຫຍ່ຫຼວງຕໍ່ການເຕີບໂຕຂອງເສດຖະກິດປະເທດ ແລະ ການຫັນປ່ຽນໂຄງປະກອບເສດຖະກິດ.
ນັບແຕ່ປີ 2002 ເປັນຕົ້ນມາ, ວິສາຫະກິດຫວຽດນາມໄດ້ຮັກສາຈັງຫວະເພີ່ມຂຶ້ນຢ່າງວ່ອງໄວ ໂດຍມາຮອດທ້າຍປີ 2016, ມີວິສາຫະກິດໃນທົ່ວປະເທດໄດ້ຈົດທະບຽນເຖິງ 1 ແສນ 1 ໝື່ນກວ່າແຫ່ງ ເຊິ່ງໝາຍເຖິງຈຳນວນ ແລະ ອັດຕາສ່ວນຂອງວິສາຫະກິດພາກເອກະຊົນ ລ້ວນແຕ່ນັບມື້ເພີ່ມຂຶ້ນ. ຂະນະທີ່ອີກດ້ານໜຶ່ງ, ວິສາຫະກິດຂະໜາດນ້ອຍທີ່ມີພະນັກງານບໍ່ເຖິງ 10 ຄົນ ກໍໄດ້ກວມເອົາຫຼາຍກວ່າ 2/3 ບວກໃສ່ປະເພດສິນຄ້າມີປະລິມານໜ້ອຍ ຈຶ່ງເຮັດໃຫ້ດັດຊະນີຜົນກຳໄລຂອງວິສາຫະກິດຫວຽດນາມຕ່ຳກວ່າວິສາຫະກິດຕ່າງປະເທດຢ່າງຈະແຈ້ງ.
