4 ເດືອນທຳອິດຂອງປີນີ້ ຫວຽດນາມບັນລຸມູນຄ່າການສົ່ງອອກໝາກໄມ້ແລະຜັກກວ່າ 1 ຕື້ໂດລາສະຫະລັດ

ໜັງສືພິມ Vietnam Investment Report ໄດ້ລາຍງານໃຫ້ຮູ້ວ່າ: ກະຊວງກະສິກຳແລະພັດທະນາຊົນນະບົດຫວຽດນາມໄດ້ເປີດເຜີຍວ່າ: ໃນ 4 ເດືອນທຳອິດຂອງປີນີ້, ມູນຄ່າການສົ່ງອອກໝາກໄມ້ແລະຜັກຂອງປະເທດຕົນບັນລຸກວ່າ 1 ຕື້ໂດລາສະຫະລັດ ເຊິ່ງເພີ່ມຂຶ້ນ 32,6% ເມື່ອທຽບໃສ່ໄລຍະດຽວກັນຂອງປີຜ່ານມາ. ແລະມູນຄ່າການສົ່ງອອກສູ່ຕະຫຼາດທີ່ສຳຄັນ 4 ປະເທດຄື: ຈີນ, ອາເມລິກາ, ຍີ່ປຸ່ນແລະສ.ເກົາຫຼີນັ້ນ ໄດ້ກວມ 83% ຂອງຍອດມູນຄ່າການສົ່ງອອກທັງໝົດ.

ໜັງສືພິມດັ່ງກ່າວຍູ້ລາຍງານໃຫ້ຮູ້ອີກວ່າ:ປະເທດທີ່ນຳເຂົ້າໝາກໄມ້ແລະຜັກຈາກຫວຽດນາມໄດ້ເພີ່ມຂຶ້ນເປັນຕົ້ນ ຣັດເຊຍເພີ່ມຂຶ້ນ 88,7%, ຍີ່ປຸ່ນ 50,9%, ໄທ 34%, ຈີນ 33,3%, ມາເລເຊຍ 32,8%, ສ.ເກົາຫຼີ 18,7% ແລະ ອາເມລິກາ 13,3%.