ຕາມຂ່າວສານຊິນຮວາ: ທ່ານເຕຣີ ບຣານສຕັດ ເຈົ້າຄອງລັດເອໂອວາອາເມລິກາທີ່ປະທານາທິບໍດີອາເມລິກາສະເໜີໃຫ້ເປັນເອກອັກຄະລັດຖະທູດອາເມລິກາປະຈຳຈີນກ່າວໃນວັນທີ 2 ພຶດສະພານີ້ວ່າ, ຖ້າໄດ້ຮັບການແຕ່ງຕັ້ງຢ່າງເປັນທາງການ, ຫວັງສ້າງຄວາມຕັ້ງໜ້າໃຫ້ແກ່ການພົວພັນລະຫວ່າງອາເມລິກາ-ຈີນ.
ທ່ານເຕຣີກ່າວສະແດງວິໄສທັດຂອງຕົນໃນຖານະເປັນຜູ້ຖືກສະເໜີໃຫ້ເປັນເອກອັກຄະລັດຖະທູດອາເມລິກາປະຈຳຈີນຂອງສະພາສູງອາເມລິກາທີ່ຈັດຂຶ້ນໃນມື້ດຽວກັນວ່າ, ໃນຖານະເປັນເຈົ້າຄອງລັດໄອໂອວາ, ຕົນຮູ້ດີຕໍ່ຄວາມສຳຄັນຂອງການພົວພັນການຄ້າລະຫວ່າງອາເມລິກາ-ຈີນທີ່ຕັ້ງໜ້າແລະປອດໃສ ແລະຖ້າຕົນໄດ້ດຳລົງຕຳແໜ່ງດັ່ງກ່າວ, ຈະສືບຕໍ່ຊຸກຍູ້ວິສາຫະກິດອາເມລິກາເຂົ້າສູ່ຕະຫຼາດຈີນ ເຊິ່ງຈະເປັນຜົນດີໃນການສ້າງໂອກາດປະກອບອາຊີບໃຫ້ແກ່ອາເມລິກາ ທັງເປັນຜົນດີຕໍ່ການສົ່ງຜະລິດຕະພັນສິນຄ້າທີ່ດີໃຫ້ແກ່ຜູ້ບໍລິໂພກຈີນ.
ທ່ານກ່າວຕື່ມວ່າ, ການພົວພັນອາເມລິກາ-ຈີນກວມເອົາຫຼາຍລະດັບ ເຊິ່ງຕົນກໍຫວັງໄປຢ້ຽມຢາມທ້ອງຖິ່ນຕ່າງໆຂອງຈີນ ແລະພົບປະປະຊາຊົນຈີນຢ່າງທົ່ວເຖິງໃນໄລຍະເປັນທູດ ເພື່ອສືບທອດການແລກປ່ຽນດ້ານວັດທະນະທຳແລະແນວຄິດທີ່ມີພະລັງຊີວິດລະຫວ່າງສອງປະເທດ.
 |
