ຕາມຂ່າວສານຊິນຮວາ: ບໍລິສັດລົງທຶນພັດທະນາແຫ່ງຊາດຈີນເປີດເຜີຍໃນວັນທີ 2 ພຶດສະພານີ້ວ່າ, ກ່ອນໜ້ານີ້ບໍ່ດົນ, ບໍລິສັດຕົນໄດ້ຈຳໜ່າຍພັນທະບັດຊັ້ນສູງທີ່ມີມູນຄ່າ 1 ຕື້ໂດລາສະຫະລັດຢ່າງສຳເລັດຜົນ ເຊິ່ງຖືວ່າເປັນເທື່ອທຳອິດທີ່ ຈຳໜ່າຍພັນທະບັດໂດລາສະຫະລັດຢູ່ຕ່າງປະເທດຢ່າງສຳເລັດຜົນຫຼັງສ້າງຕັ້ງເປັນຕົ້ນມາ.
ພັນທະບັດງວດດັ່ງກ່າວທີ່ມີປະລິມານຊື້ເກືອບ 8 ເທົ່ານັ້ນ ໄດ້ເຮັດໃຫ້ຕະຫຼາດທຶນສາກົນສົນໃຈ ໂດຍໃນການສັ່ງຊື້ທັງໝົດ, ຜູ້ລົງທຶນອາຊີກວມເອົາຫຼາຍກວ່າ 80%. ແນວໃດກໍດີ, ບໍລິສັດລົງທຶນພັດທະນາແຫ່ງຊາດຈີນເຫັນວ່າ, ການຈຳໜ່າຍພັນທະບັດໂດລາສະຫະລັດຢ່າງສຳເລັດຜົນຄັ້ງນີ້ ມີຜົນດີຕໍ່ບໍລິສັດຕົນໃນການເຊື່ອມຕໍ່ກັບຕະຫຼາດທຶນສາກົນ ທັງເປັນການຍົກຄວາມສາມາດໃນການຈັດສັນຊັບພະຍາກອນທົ່ວໂລກໃຫ້ສູງຂຶ້ນ, ສ້າງພາບພົດຂອງບໍລິສັດຢູ່ໃນໂລກ ລວມທັງຊຸກຍູ້ການລົງທຶນແລະການເກັບຊື້ຢູ່ຕ່າງປະເທດ ແລະທຸລະການອື່ນໆ.
 |
