ໂດຍຕອບສະໜອງຕາມຄຳເຊີນຂອງຄະນະກຳມະການເກືອດຫ້າມຢາເສບຕິດອິນໂດເນເຊຍ, ທ່ານ ລານເວີ້ຍຮົງ ຮອງເລຂາທິການໃຫຍ່ຄະນະກຳມະການເກືອດຫ້າມຢາເສບຕິດແຫ່ງຊາດຈີນ ທັງເປັນຮອງຫົວໜ້າສູນເຕັກນິກສືບຂ່າວເກືອດຫ້າມຢາເສບຕິດກະຊວງປ້ອງກັນຄວາມສະຫງົບຈີນ ໄດ້ນຳພາຄະນະຜູ້ແທນຂອງຕົນໄປນະຄອນຫຼວງຈາກາຕາປະເທດອິນໂນເນເຊຍເພື່ອຖອດຖອນບົດຮຽນດ້ານນີ້ແຕ່ວັນທີ 2-6 ພຶດສະພານີ້.
ໃນກອງປະຊຸມຖອດຖອນບົດຮຽນດັ່ງກ່າວ, ຜູ້ຕາງໜ້າຈາກຈີນແລະອິນໂດເນເຊຍ ໄດ້ແລກປ່ຽນບົດຮຽນແລະປຶກສາຫາລືກັນຢ່າງກວ້າງຂວາງກ່ຽວກັບການສ້າງກົນໄກການພົບປະປະຈຳປີຢ່າງເປັນທາງການ, ຕິດຕັ້ງໂທລະສັບໂດຍກົງເພື່ອຕິດຕໍ່ພົວພັນກັນ, ການແລກປ່ຽນການສືບຂ່າວ, ການຮ່ວມມືປະຕິບັດກົດໝາຍ, ການປາບປາມການຄ້າຂາຍຢາເສບຕິດທາງທະເລແລະທາງອາກາດ, ການກວດກາຢາເສບຕິດ, ການຊ່ວຍເຫຼືອຍົກລະດັບ ແລະອື່ນໆ ແລະໄດ້ບັນລຸເຈດຈຳນົງການຮ່ວມມືທີ່ສຳຄັນຕ່າງໆ. ຂະນະດຽວກັນ, ສອງຝ່າຍຍັງເຫັນພ້ອມຈະເພີ່ມທະວີແລະປັບປຸງກົນໄກການຮ່ວມມືຕື່ມອີກ, ປັບປຸງການແກ້ໄຂບັນຫາຢາເສບຕິດຂອງສອງປະເທດກໍຄືພາກພື້ນຢ່າງແທ້ຈິງ, ຮ່ວມກັນຊຸກຍູ້ການຮ່ວມມືເກືອດຫ້າມຢາເສບຕິດລະຫວ່າງສອງປະເທດໃຫ້ຂະຫຍາຍຕົວຕາມເງື່ອນໄຂຕົວຈິງແລະກ້າວສູ່ລວງເລິກ.