ວັນທີ 2 ພຶດສະພານີ້ຕາມເວລາພາກຕາເວັນອອກອາເມລິກາ, ກະຊວງການຄ້າອາເມລິກາໄດ້ຕົກລົງກວດກາການຕ້ານການຂາຍທຸ້ມເທຕະຫຼາດແລະການອຸດໜູນລາຄາຜະລິດຕະພັນກ່ອງເຄື່ອງມືທີ່ນຳເຂົ້າຈາກຈີນ.
ທ່ານຫວາງເຮີ້ຈຸ່ນ ຫົວໜ້າກົມກວດກາການອຸດໜູນການຄ້າ ກະຊວງການຄ້າຈີນ ຖະແຫຼງໃນວັນທີ 3 ພຶດສະພານີ້ວ່າ: ຜ່ານມາ, ອາເມລິກາໄດ້ດຳເນີນການກວດກາການອຸດໜູນການຄ້າຕໍ່ຜະລິດຕະພັນນຳເຂົ້າມາໂດຍຕະຫຼອດ ແລະໃຊ້ມາດຕະການຜິດລະບຽບການຂອງອົງການການຄ້າໂລກ ແລະ ຕັດສິນເພີ່ມອັດຕາພາສີສູງຂຶ້ນຫຼາຍ ສົ່ງຜົນເຮັດໃຫ້ຝ່າຍຕ່າງໆເຝົ້າລະວັງຢ່າງຈິງຈັງ. ການທີ່ໃຊ້ມາດຕະການປົກປ້ອງການຄ້າເກີນຄວາມຈຳເປັນ ຈະເປັນການທຳລາຍຜົນປະໂຫຍດຂອງຜູ້ປະກອບການນຳເຂົ້າ ແລະ ຜູ້ບໍລິໂພກຊາວອາເມລິກາເອງ. ອີກດ້ານໜຶ່ງ, ການຈຳກັດການນຳເຂົ້າກໍຈະທຳລາຍຜົນປະໂຫຍດຂອງຜູ້ປະກອບການນຳເຂົ້າ ແລະ ຂະແໜງການທີ່ກ່ຽວຂ້ອງຂອງອາເມລິກາ ພ້ອມທັງກະທົບຕໍ່ການປະກອບອາຊີບແລະຜົນປະໂຫຍດຂອງຜູ້ບໍລິໂພກອາເມລິກາເອງເຊັ່ນກັນ. ຈາກນີ້ ຈຶ່ງຫວັງວ່າອາເມລິກາຈະອົດກັ້ນ ແລະ ມີສະຕິໃນການໃຊ້ມາດຕະການປົກປ້ອງການຄ້າ.
ທ່ານຫວາງເຮີ້ຈຸ່ນ ເນັ້ນວ່າ: ສອງຝ່າຍຄວນອົດກັ້ນ ແລະ ມີສະຕິໃນການໃຊ້ມາດຕະການປົກປ້ອງການຄ້າ ແລະ ຊຸກຍູ້ການແລກປ່ຽນລະຫວ່າງຂະແໜງການ ເພື່ອແກ້ໄຂຄວາມຂັດແຍ້ງທາງການຄ້າໃຫ້ເໝາະສົມໂດຍຜ່ານການປຶກສາຫາລືກັນ ແລະສ້າງແບບຢ່າງໃຫ້ແກ່ການຄຸ້ມຄອງເສດຖະກິດໂລກ.
